قازاقستاندا بيىلدان باستاپ ۋنيۆەرسيتەتتەردىڭ ۇلتتىق رەيتينگى جاريالانادى. تىزىمگە ىلىنبەگەن جانە تالاپتارعا ساي ەمەس جوعارى وقۋ ورىندارى مەملەكەتتىك قارجىلاندىرۋدان تولىق قاعىلادى. بۇل تۋرالى ماجىلىستە وتكەن ۇكىمەت ساعاتىندا عىلىم جانە جوعارى ءبىلىم ءمينيسترى ساياسات نۇربەك مالىمدەدى, دەپ جازادى Egemen.kz.
ءمينيستردىڭ ايتۋىنشا, ساپاسىز ءبىلىم بەرەتىن ۋنيۆەرسيتەتتەردى وڭتايلاندىرۋ جۇمىستارى جالعاسىپ جاتىر. بۇعان دەيىن اقتوبە, شىمكەنت جانە اتىراۋ قالالارىنداعى بىرقاتار وقۋ ورىندارىنىڭ ليتسەنزياسى جويىلعان بولاتىن.
«بولاشاق» باعدارلاماسى: دەپۋتات بيۋدجەت قارجىسىن نەگىزسىز جۇمساعانداردىڭ ەسىمدەرىن جاريالاۋدى تالاپ ەتتى
جاڭا زاڭنامالىق تالاپتار بويىنشا, ەندى مەملەكەتتىك تاپسىرىس پەن گرانتتاردى ءبولۋ تىكەلەي ۇلتتىق رەيتينگ ناتيجەلەرىنە بايلانىستى بولادى. ساياسات نۇربەك قارجىلاندىرۋدى توقتاتۋدىڭ ناقتى كريتەريلەرىن اتاپ ءوتتى:
رەيتينگكە ىلىكپەگەن وقۋ ورىندارى; حالىقارالىق فورماتتا جۇمىس ىستەمەيتىن جوو-لار; زەرتحانا قۇرۋعا جانە عىلىمعا ينۆەستيتسيا قۇيمايتىن ۋنيۆەرسيتەتتەر.«وسى وزگەرىستەرگە جەكەمەنشىك ۋنيۆەرسيتەتتەر ۇرەيمەن قارايدى. بىراق ءبىز وسىنداي قادامعا باردىق. رەيتينگكە ىلىكپەگەن ۋنيۆەرسيتەتتەرگە قارجىلاندىرۋ مۇلدەم توقتاتىلادى. بۇل — نارىقتىق ۇستانىمداردى قالىپتاستىرۋدىڭ جولى», دەدى مينيستر.
ءمينيستردىڭ ايتۋىنشا, رەيتينگ مالىمەتتەرى تالاپكەرلەر مەن اتا-انالار اراسىندا كەڭىنەن تاراتىلادى. بۇل – ماماندىق تاڭداۋ كەزىندە قاتەلەسپەۋگە جانە مەملەكەتتىك گرانتتىڭ تەك ۇزدىك وقۋ ورىندارىنا بەرىلۋىن قامتاماسىز ەتۋگە باعىتتالعان شارا. بىلتىر پيلوتتىق رەجيمدە وتكەن رەيتينگ بيىل العاش رەت رەسمي تۇردە جاريالانباق.
85 ملن تەڭگە جەلگە ۇشتى: وقۋدان شىعارىلعاندارعا قايتا گرانت تاعايىندالعان