دەنساۋلىق ساقتاۋ مينيسترلىگى العاشقى مەديتسينالىق-سانيتارلىق كومەك (پمسپ) ۇيىمدارىنا ازاماتتاردى تىركەۋ تارتىبىنە وزگەرىستەر ەنگىزۋدى كوزدەپ وتىر. ءتيىستى بۇيرىق جوباسى «اشىق نقا» پورتالىندا جاريالانىپ, 22 مامىرعا دەيىن قوعامدىق تالقىلاۋعا شىعارىلعان, دەپ حابارلايدى Egemen.kz.
جاڭا ەرەجەلەر جۇيەنى بارىنشا يكەمدى, اشىق جانە حالىققا ءتيىمدى ەتۋگە باعىتتالعان.
ەمحاناعا تىركەلۋ ءتارتىبى قالاي وزگەرەدى؟ەڭ باستى جاڭالىق – بۇرىنعى جىل سايىن وتەتىن ەمحانا تاڭداۋ ناۋقانى توقتاتىلادى.
بۇعان دەيىن ازاماتتار تەك بەلگىلى ءبىر مەرزىمدە عانا ەمحاناسىن اۋىستىرا الاتىن بولسا, ەندى ەمحانانى جىلدىڭ كەز كەلگەن ۋاقىتىندا اۋىستىرۋعا مۇمكىندىك بەرىلەدى.
دەگەنمەن ءبىر شەكتەۋ بار: ادام ەمحاناسىن جىلىنا تەك ءبىر رەت قانا اۋىستىرا الادى.
جاڭا ەمحاناعا تىركەلگەن جاعدايدا قىزمەت كورسەتۋ كەلەسى ايدان باستاپ باستالادى.
وسكەمەندە ءتىس ەمحاناسىنىڭ 53 قىزمەتكەرىنە ەكى ايدان بەرى جالاقى تولەنبەگەن
ەمحانا تاڭداۋ ەركىندىگى ساقتالادىازاماتتار بۇرىنعىداي:
مەملەكەتتىك نەمەسە جەكەمەنشىك ەمحانانى تاڭداي الادى; تۇرعىلىقتى جەرىن اۋىستىرسا نەمەسە ەمحانا جابىلسا, باسقا ەمحاناعا وتە الادى.بۇل وزگەرىستەر جۇيەنى يكەمدىرەك ەتۋ ءۇشىن جاسالىپ وتىر.
اۋماق بويىنشا تىركەلۋ ءتارتىبى ناقتىلانادىءار ەمحاناعا ناقتى قىزمەت كورسەتەتىن اۋماق بەكىتىلەدى. ياعني بەلگىلى ءبىر كوشەلەر مەن تۇرعىن ۇيلەر سول ەمحاناعا قارايدى.
ەگەر جاڭا ەمحانا اشىلسا, جەرگىلىكتى باسقارما سول ايماقتاردى قايتا ءبولىپ وتىرادى. بۇل پاتسيەنتتەردى تەڭ بولۋگە كومەكتەسەدى.
نەگىزگى ەرەجە: كوپ جاعدايدا ازامات ءوز اۋدانىنداعى ەمحاناعا تىركەلەدى, ياعني جاقىن ورنالاسقان مەديتسينالىق مەكەمە قاراستىرادى.
ەرەكشە ساناتتاركەيبىر توپتارعا بولەك ەرەجەلەر قولدانىلادى:
جۇكتى ايەلدەر مەن 5 جاسقا دەيىنگى بالالار تەك تۇرعىلىقتى جەرى بويىنشا تىركەلەدى; 18 جاسقا دەيىنگى بالا مىندەتتى تۇردە اتا-اناسىنىڭ بىرەۋى تىركەلگەن ەمحانادا بولۋى كەرەك; ستۋدەنتتەر مەن كۋرسانتتار وزدەرى تۇرعان جەرىنە جاقىن ەمحاناعا تىركەلە الادى; اسكەري قىزمەتشىلەرگە ۋاقىتشا (1 جىلعا) تىركەۋ ەنگىزۋ جوسپارلانعان. ەمس ارقىلى تىركەۋ بولمايدىەرىكتى مەديتسينالىق ساقتاندىرۋ (دمس) ارقىلى ەمحاناعا تىركەلۋ تاجىريبەسى الىنىپ تاستالادى. ەندى ەمس قىزمەتتەرى جەكە كەلىسىمشارت نەگىزىندە كورسەتىلەدى.
جاڭا وزگەرىستەر قابىلدانسا, ازاماتتار ەمحانانى تاڭداۋدا ەركىنىرەك بولادى, بيۋروكراتيا ازايادى. سونىمەن بىرگە مەديتسينالىق ۇيىمدار اراسىنداعى جۇكتەمە تەڭ ءبولىنىپ, قىزمەت كورسەتۋ جۇيەسى تيىمدىرەك بولماق.
ەسكە سالايىق, قازاقستاندا تەگىن مەديتسينالىق كومەك اياسىندا بەرىلگەن ءدارى-دارمەكتەردىڭ ءدارىحانالاردا ساتىلعانى انىقتالدى.