قازاقستاننىڭ حالىقارالىق رەزەرۆتەردە قانشا التىنى بار؟

بيىل ءساۋىر ايىندا قازاقستاننىڭ حالىقارالىق رەزەرۆتەردەگى مونەتارلىق التىن كولەمى ناۋرىزبەن سالىستىرعاندا 1,8%-عا ءوسىپ, 52,7 ملرد دوللارعا جەتتى. بۇعان دەيىن ناۋرىز ايىندا كورسەتكىش 10,5% تومەندەگەن ەدى.

جىل باسىنان بەرى التىن قورى 11,5%-عا ارتتى, ال وتكەن جىلدىڭ ساۋىرىمەن سالىستىرعاندا 1,7 ەسەگە كوبەيدى (30,7 ملرد دوللاردان).

جالپى حالىقارالىق رەزەرۆتەردە ناۋرىزداعى 9%-دىق قىسقارۋدان كەيىن 1,5%-عا ءوسىپ, 67,8 ملرد دوللار بولدى.

التىن باعاسى رەكورد جاڭارتتى: قازاقستانداعى احۋال قانداي؟

ەركىن ايىرباستالاتىن ۆاليۋتاداعى اكتيۆتەر 15,1 ملرد دوللارعا جەتىپ, ءبىر اي ىشىندە 0,5%-عا ءوستى. الايدا جىل باسىنان بەرى بۇل كورسەتكىش 17%-عا تومەندەگەن.

تازا سىرتقى اكتيۆتەر دە ازايا بەردى, بىراق تومەندەۋ قارقىنى باياۋلاعان. ەگەر ناۋرىزدا تومەندەۋ 10,4% بولسا, ساۋىردە 0,8% بولدى. ولاردىڭ كولەمى − 61,33 ترلن تەڭگەنى قۇرادى.

گەرمانيا اقش-تاعى التىن قورىن ەلگە قايتارۋدى كوزدەپ وتىر

ۇلتتىق قوردىڭ ۆاليۋتالىق اكتيۆتەرى ءبىر ايدا 3,9%, ال جىل باسىنان بەرى 1,5%-عا ءوسىپ, 62,8 ملرد دوللارعا نەمەسە 30 ترلن تەڭگەگە جەتتى. ەسكە سالساق, ناۋرىزدا بۇل كورسەتكىشتەر تيىسىنشە 4,86% جانە 2,34%-عا قىسقارعان بولاتىن.

سونىمەن قاتار, ۇلتتىق قور قاراجاتىنىڭ جالپى كولەمى 0,4%-عا ازايىپ, 36,38 ترلن تەڭگە بولدى.

ەسكە سالايىق, بىلتىر قاراشا ايىندا ەلىمىزدەگى التىن قورىنىڭ كولەمى 98 تونناعا ارتقان بولاتىن.