فرانتسيا قۇقىق قورعاۋ ورگاندارى X الەۋمەتتىك جەلىسىنىڭ يەسى يلون ماسكقا قاتىستى تەرگەۋ ناتيجەسىندە ونى قاماۋعا الۋ وردەرىن شىعارۋى مۇمكىن. بۇل تۋرالى پاريج پروكۋرورى لور بەككو تەلەارنا ەفيرىندە مالىمدەدى, دەپ حابارلايدى Egemen.kz.
فرانتسيا بيلىگى X پلاتفورماسىن ەكسترەميزمگە جاردەمدەستى, ادامزاتقا قارسى قىلمىستاردى جوققا شىعارۋعا مۇمكىندىك بەردى جانە بالالار پورنوگرافياسىن ساقتادى دەپ ايىپتاپ وتىر.
«ەگەر تەرگەۋ اياقتالعاننان كەيىن تەرگەۋ ورگاندارى يلون ماسك ءىسىن قىلمىستىق سوتقا جىبەرۋگە جەتكىلىكتى نەگىز بار دەگەن قورىتىندىعا كەلسە جانە ول شاقىرتۋ جاۋاپ بەرۋشى رەتىندە كەلمەسە, وندا زاڭعا سايكەس قاماۋعا الۋ وردەرى بەرىلەدى», دەدى پاريج پروكۋرورى لور بەككو.
يلون ماسك: بولاشاقتا ءار ادامنىڭ جەكە روبوتى بولادى
فرانتسيا پروكۋراتۋراسى X كومپانياسىنا قاتىستى قىلمىستىق ءىستى 2025 جىلدىڭ شىلدەسىندە قوزعاعان. اقپان ايىندا X-ءتىڭ فرانتسياداعى كەڭسەسىندە ءتىنتۋ جۇرگىزىلدى. ناۋرىز ايىندا يلون ماسكتى جاۋاپ الۋعا شاقىرعان, الايدا ول كەلمەگەن. اقش ادىلەت مينيسترلىگى فرانتسيانىڭ X الەۋمەتتىك جەلىسىنە قاتىستى تەرگەۋىنە كومەكتەسۋدەن باس تارتتى.
يلون ماسك كۇدىكتى رەتىندە تانىلدى: پاريج پروكۋراتۋراسى X كومپانياسىنا قاتىستى تەرگەۋدى باستادى
ايتا كەتەيىك, بۇعان دەيىن يلون ماسك كۇدىكتى رەتىندە تانىلىپ, پاريج پروكۋراتۋراسى X كومپانياسىنا قاتىستى تەرگەۋدى باستاعان بولاتىن.