ءساۋىر ايىندا جۇرگىزىلگەن الەۋمەتتانۋلىق زەرتتەۋ ناتيجەلەرى حالىقتىڭ باسىم بولىگى ەلدىڭ قازىرگى دامۋ باعىتىن وڭ باعالايتىنىن كورسەتىپ وتىر. اتاپ ايتقاندا, رەسپوندەنتتەردىڭ 84,4%-ى ەلىمىز دۇرىس باعىتتا دامىپ كەلەدى دەپ ەسەپتەيدى, دەپ حابارلايدى Egemen.kz.
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ تاپسىرىسى بويىنشا جۇرگىزىلگەن الەۋمەتتانۋلىق زەرتتەۋ ناتيجەلەرىنە سۇيەنسەك, قالا تۇرعىندارىنىڭ اراسىندا رەسپوندەنتتەردىڭ 84%-ى ەلدىڭ دامۋ باعىتىن وڭ باعالاعان. ال اۋىل تۇرعىندارى اراسىندا بۇل كورسەتكىش ءسال جوعارى – 85,2%-دى قۇرايدى.
گەندەر تۇرعىسىنان تالداۋ ەرلەر مەن ايەلدەردىڭ دە جوعارى دەڭگەيدە وڭ باعا بەرەتىنىن كورسەتەدى. سونىمەن قاتار, ايەلدەر اراسىندا بۇل كورسەتكىش ءبىرشاما جوعارى – 86,2%-دى قۇرادى, بۇل ەرلەر اراسىنداعى كورسەتكىشتەن 4,3%-عا ارتىق. جاس ەرەكشەلىگى تۇرعىسىنان ەڭ جوعارى قولداۋ دەڭگەيى جاستار اراسىندا تىركەلدى – 89,3%.
الەۋمەتتىك ساۋالناما: جاستاردىڭ 90%-دان استامى مەملەكەت باسشىسىنا سەنىم ارتادىساتىپ الۋ قابىلەتى ارتقان سايىن وڭ باعالار دا ايتارلىقتاي وسەتىنى بايقالىپ وتىر. وزدەرىنىڭ ەكونوميكالىق جاعدايىنىڭ جاقسارعانىن سەزىنەتىن رەسپوندەنتتەر بۇل ىلگەرىلەۋدى قازىرگى ساياسي باعىتپەن بايلانىستىرۋعا بەيىم.
ايتا كەتەيىك, 10 ءساۋىر مەن 10 مامىر ارالىعىندا جۇرگىزىلگەن ساۋالناماعا 8 000 رەسپوندەنت قاتىسقان.
الەۋمەتتىك ساۋالناما قازاقستان حالقىنىڭ پرەزيدەنتكە سەنىمى جوعارى ەكەنىن كورسەتتى
ەسكە سالا كەتەيىك, بۇعان دەيىن ەل تۇرعىندارىنىڭ 41 پايىزى وتباسىنى ۇرپاق جالعاستىرۋمەن بايلانىستىراتىندىعىن جازعان ەدىك.