ۇلتتىق قۇراما كوشباسشىلارىنىڭ بىرى ماكسيم سامورودوۆ رەسەي پرەمەر-ليگاسىنىڭ 30-تۋرى اياسىندا وتكەن «سوچي» جانە «احمات» ماتچىندا ەڭ ۇزدىك ويىنشى اتاندى, دەپ حابارلايدى Egemen.kz.
قازاقستان ۇلتتىق قۇراماسىنىڭ شابۋىلشىسى نەگىزگى قۇرامدا الاڭعا شىعىپ, تەك 90+1 مينۋتتا الماستىرىلدى.
وسىلايشا 2025/26 ماۋسىم قورىتىندىسى بويىنشا «احمات» كلۋبى 37 ۇپاي جيناپ, رەسەي چەمپيوناتىن 9-ورىندا اياقتاپ وتىر.
ەسكە سالا كەتسەك, ماكسيم سامورودوۆ 2024 جىلدىڭ تامىز ايىندا «اقتوبە» كلۋبىنان «احمات» كومانداسىنا اۋىسىپ, سودان بەرى كوماندا كوشباسشىلارىنىڭ بىرىنە اينالدى. وتانداسىمىز ماۋسىم بارىسىندا 34 ماتچ وتكىزىپ, 5 گول سوعىپ, 5 ناتيجەلى پاس بەردى.
«استانا» فۋتبولشىسى الەم چەمپيوناتىندا وينايدى
ايتا كەتەيىك, گروزنىيلىق كلۋب ساپىندا تاعى ءبىر قازاقستاننىڭ ويىنشىسى – عالىمجان كەنجەبەك ونەر كورسەتەدى. ول بۇعان دەيىنگى «دينامو ماحاچكالا» ماتچىندا (1:1) كلۋب ساپىنداعى العاشقى گولىن سوققان بولاتىن.
ال جاقىندا ۇلتتىق قۇرامانىڭ تاعى ءبىر ويىنشىسى ستاس پوكاتيلوۆ ازەربايجان كۋبوگىنىڭ يەگەرى اتانعانىن جازعان ەدىك.