قازاقستاننىڭ كومىر ونەركاسىبى ەلدىڭ ەنەرگەتيكالىق قاۋىپسىزدىگىن قامتاماسىز ەتۋدە نەگىزگى ءرولىن ساقتاپ وتىر. وتكەن جىلدىڭ قورىتىندىسى بويىنشا ەلدە كومىر ءوندىرۋ كولەمى 115 ملن توننانى قۇراپ, ونىڭ 30 ملن تونناسى شەتەل نارىعىنا ەكسپورتتالعان, دەپ حابارلايدى Egemen.kz.
بۇگىندە قازاقستان كومىرى رەسەي, پولشا, وزبەكستان, تۇركيا, ءۇندىستان, مالايزيا جانە باسقا ەلدەرگە ەكسپورتتالادى. ەنەرگەتيكا مينسيترلىگىنىڭ مالىمەتىنشە, 2026 جىلى كومىر ءوندىرۋ كولەمىن 128,9 ملن تونناعا دەيىن جەتكىزۋ جوسپارلانعان. قازىرگى ۋاقىتتا سالادا 40 جەر قويناۋىن پايدالانۋشى جۇمىس ىستەيدى.
كومىر سەكتورىنا 2025 جىلى تارتىلعان ينۆەستيتسيا كولەمى 305 ملرد تەڭگەنى قۇراسا, 2026 جىلى بۇل كورسەتكىش 553 ملرد تەڭگەگە دەيىن ۇلعايادى دەپ كۇتىلەدى.
ەۋروپادا قازاقستان كومىرىنە سۇرانىس ارتتى: ەكسپورتتىق باعا كوتەرىلىپ جاتىر
ەسكە سالا كەتەيىك, قازاقستان كومىر قورى بويىنشا الەمدەگى جەتەكشى ەلدەردىڭ ءبىرى سانالادى. بۇگىندە ەلىمىز الەمدە كومىر قورى كولەمى جونىنەن 10-ورىندا تۇر. مينيسترلىك مالىمەتىنشە, ەلدەگى جالپى كومىر قورى 33,6 ملرد توننانى قۇرايدى, بۇل قازىرگى ءوندىرىس دەڭگەيىمەن ەسەپتەگەندە 300 جىلدان استام ۋاقىتقا جەتەدى.
ەسكە سالا كەتەيىك, بۇعان دەيىن قاراعاندىدا 1 ملن تونناعا دەيىن مەتاللۋرگيالىق كوكس وندىرەتىن زاۋىت سالىناتىندىعىن حابارلاعان ەدىك.