قازاقستاندا بالالاردى 1-سىنىپقا قابىلداۋ بويىنشا قاناتقاقتى جوبا ىسكە قوسىلادى. وسىعان بايلانىستى وقۋ-اعارتۋ مينيسترلىگى مەن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى بىرلەسكەن بۇيرىق قابىلدادى, دەپ حابارلايدى Egemen.kz.
قۇجاتقا سايكەس, مەكتەپالدى دايارلىقتان سول ءبىلىم بەرۋ ۇيىمىندا وتكەن بالالار اتا-اناسىنىڭ نەمەسە زاڭدى وكىلىنىڭ ءوتىنىشى نەگىزىندە اۆتوماتتى تۇردە 1-سىنىپقا قابىلدانادى.
ەگەر اتا-انا بالاسىن باسقا مەكتەپكە اۋىستىرعىسى كەلسە, وندا قۇجاتتار جالپى تارتىپپەن تاپسىرىلادى.
سونداي-اق جۇيەدە «كۇتۋ بولمەسى» مەحانيزمى ەنگىزىلەدى. ەگەر ءوتىنىش سانى تىم كوپ بولىپ كەتسە, پايدالانۋشىلار اۆتوماتتى تۇردە ەلەكتروندى كەزەككە جىبەرىلەدى. ولار ءوز كەزەگىنىڭ قوزعالىسىن ونلاين باقىلاي الادى. كەزەك جەتكەن كەزدە جۇيە قىزمەت الۋ بەتىنە اۆتوماتتى تۇردە وتكىزەدى.
ۇبت-2026 جانە 1 سىنىپقا قابىلداۋ: 1 مامىردان باستاپ قازاقستاندا نە وزگەرەدى؟
بۇدان بولەك, اتا-انالار 1-سىنىپقا قابىلداۋ تۋرالى بۇرىن جىبەرىلگەن ءوتىنىشتى ەلەكتروندى تۇردە كەرى قايتارىپ الا الادى.
وڭىرلەر بويىنشا قۇجات قابىلداۋ مەرزىمى: استانا, اباي وبلىسى, جەتىسۋ وبلىسى, قىزىلوردا وبلىسى, باتىس قازاقستان وبلىسى – 27 مامىر مەن 31 تامىز ارالىعى; الماتى, اقمولا وبلىسى, اقتوبە وبلىسى, جامبىل وبلىسى, شىعىس قازاقستان وبلىسى – 10 ماۋسىم مەن 31 تامىز ارالىعى; الماتى وبلىسى, قوستاناي وبلىسى, پاۆلودار وبلىسى, اتىراۋ وبلىسى, شىمكەنت – 18 ماۋسىم مەن 31 تامىز ارالىعى; تۇركىستان وبلىسى, ماڭعىستاۋ وبلىسى, قاراعاندى وبلىسى, سولتۇستىك قازاقستان وبلىسى, ۇلىتاۋ وبلىسى – 29 ماۋسىم مەن 31 تامىز ارالىعى.بىرلەسكەن بۇيرىق 2026 جىلدىڭ 26 مامىرىنان باستاپ كۇشىنە ەنىپ, 31 جەلتوقسانعا دەيىن قولدانىلادى.
10-11 سىنىپ وقۋشىلارى جۇمىسشى ماماندىقتارىن قاتار وقىپ جاتىر