اقمولا. 8 ناۋرىز. كوكشەتاۋ قالاسىندا حالىقارالىق ايەلدەر مەرەكەسى كۇنىنە ورايلاستىرىپ «تاۋەلسىزدىك» جانە «التىن عاسىر» ساۋدا ءۇيى الاڭدارىندا كوكتەمگى جارمەڭكە وتكىزىلدى. بۇل تۋرالى egemen.kz ءتىلشىسى حابارلادى.
شاراعا اقكول, اتباسار, بۇلاندى, شورتاندى اۋداندارىنىڭ اۋىل شارۋاشىلىعى تاۋار وندىرۋشىلەرى مەن كوكشەتاۋ قالاسىنىڭ كاسىپورىندارى قاتىستى. سونداي-اق, ارشالى اۋدانىنداعى «يجەۆسكي» وندىرىستىك كاسىپورنى, بۋراباي اۋدانىنداعى «بەرەكە اگرو» جانە تسەلينوگراد اۋدانىنداعى Capital Project Ltd جاۋاپكەرشىلىگى شەكتەۋلى سەرىكتەستىگى ارنايى شاقىرىلدى.
جارمەڭكە الاڭدارىندا 160 ساۋدا نۇكتەسى, 22 اۆتوكولىك 48 ءتۇرلى 356,1 توننا ءونىمدى ساۋداعا شىعاردى. بۇلاردىڭ جالپى قۇنى 118,6 ميلليون تەڭگەنى قۇرايدى. مۇنىڭ ىشىندە 76,8 توننا ەت پەن 18,2 ءسۇت ونىمدەرى, 64 توننا ۇن, 35,5 توننا كارتوپ, 45,2 توننا كوكونىس, 15,5 توننا جارما, 13,5 مىڭ ليتر وسىمدىك مايى بار.
جارمەڭكەدە ادەتتەگىدەي كوركەمونەرپازدار كونتسەرتى جانە تەاترلاندىرىلعان كورىنىستەر ۇيىمداستىرىلسا, تۇرعىندارعا ىستىق شاي مەن باۋىرساقتار تاراتىلدى.
باقبەرگەن امالبەك.
دەرەك, سۋرەت: egemen.kz.