قازاقستاندا جوعارى وقۋ ورىندارىنا تۇسۋگە ارنالعان سىناق تەستتەرى 2027 جىلى دا ساقتالادى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, تالاپكەرلەر قازىرگىدەي سىناق تەستىن ەكى رەت تاپسىرىپ, ءوز دەڭگەيىن باعالاۋ مۇمكىندىگىنە يە بولادى. بۇل ولاردىڭ ءالسىز جانە مىقتى تۇستارىن انىقتاۋعا كومەكتەسەدى.
«سىناق تەستى ساقتالادى. تالاپكەرلەر الاڭداماسا بولادى», دەدى ول.
سونىمەن قاتار اقىلى بولىمگە تۇسۋگە مۇمكىندىك بەرەتىن سىناق تەستتەرى ءوز كۇشىندە قالادى. ال مەملەكەتتىك گرانتقا ءتۇسۋ ءۇشىن وتكىزىلەتىن نەگىزگى ۇلتتىق بىرىڭعاي تەستىلەۋ (ۇبت) ەندى ءبىر رەت قانا تاپسىرىلادى.
ءمينيستردىڭ سوزىنشە, اتالعان وزگەرىستەر كەلەسى جىلدان باستاپ ەنگىزىلەدى, ال تولىق اقپارات كۇز مەزگىلىندە جاريالانادى.
ۇبت-عا قوسىمشا تاڭداۋ: AIT تەستىنىڭ ەرەكشەلىگى نەدە؟
بۇدان بولەك, تالاپكەرلەرگە بالاما جاڭا تەست فورماتى ۇسىنىلۋى مۇمكىن. ۆەدومستۆو باسشىسى ونىڭ الداعى بەس جىل ىشىندە ۇبت-نى بىرتىندەپ الماستىرۋى ىقتيمال ەكەنىن اتاپ ءوتتى.
ايتا كەتەيىك, ۇلتتىق بىرىڭعاي تەستىلەۋ قازاقستاندا 2004 جىلدان بەرى جوعارى وقۋ ورىندارىنا ءتۇسۋ ەمتيحاندارىنىڭ ورنىنا قولدانىلىپ كەلەدى.