«استانا» (استانا) – «قايرات» (الماتى)
8 ناۋرىز. استانا. «استانا ارەنا» ستاديونى.
تورەشى: راۆشان يرماتوۆ (وزبەكستان).
«استانا»: نەناد ەريچ, ابزال بەيسەبەكوۆ, ەۆگەني پوستنيكوۆ, مارين انيچيچ, نەمانيا ماكسيموۆيچ, روحەر كانياس, پاتريك تۆۋماسي, دجوردجە دەسپوتوۆيچ, دميتري شومكو, سەرىكجان مۇجىقوۆ, تاڭات نوسەرباەۆ.
«قايرات»: ۆلاديمير پلوتنيكوۆ, يساەل باربوزا, جەرار گوۋ, اناتولي تيموششۋك, جاركو ماركوۆيچ, برۋنو سوارەس, لۋكاش تەساك, ميحايل باكاەۆ, اسلان داراباەۆ, باۋىرجان يسلامحان.
"قايرات" ويىن سوڭىنداعى پەنالتي بويىنشا جەڭىسكە جەتىپ, فۋتبولدان 2016 جىلعى قازاقستان سۋپەركۋبوگىن يەمدەندى. شەشۋشى سوققىنىڭ اۆتورى – لۋكاش تەساك.
سەرىكجان مۇجىقوۆتىڭ سوققىسىن "قايرات" قاقپاشىسى قايتارا ءبىلدى.
اناتولي تيموششۋك تارازى باسىن تەڭەستىردى.
ابزال بەيسەبەكوۆ ناتيجەلى سوققىسىمەن "استانانى" قايتادان العا شىعاردى.
جەرار گوۋ دا ءمۇلت كەتىپ, شەشۋشى سوققىنى جاساي المادى.
ءتۆۋماسيدىڭ سوققىسىنان كەيىن ەسەپ تەڭەستى. 3:3
ۆيتاليا لي كومانداسىنا سۋپەركۋبوكتى الىپ بەرە المادى. ونىڭ سوققىسىن ەريچ قايتارا ءبىلدى.
استانالىق نەمانيا ماكسيموۆيچ دوپتى قاقپادان قيىس تەۋىپ, قارسىلاستارىنا مۇمكىندىك سىيلادى.
ريەرا ءوز مۇمكىندىگىن ءساتتى ورىنداپ, "قايراتتى" ەسەپتە العا شىعاردى.
ششەتكيننىڭ سوققىسىنا قاقپاشى پلوتنيكوۆ توسقاۋىل بولا ءبىلدى.
ون ءبىر مەترلىككە الەكسەي ششەتكين جاقىنداپ كەلەدى.
"قايرات" ويىنشىسى برۋنو سوارەس تە نەناد ەريچتەن ايلاسىن اسىرىپ, تارازى باسىن تەڭەستىردى.
ەكىنشى بولىپ "استانا" ساپىنان انيچيچ سوققى جاساپ, مەرگەندىگىمەن كوزگە ءتۇستى.
ەسەپ 1:1. يسلامحان ءوز مۇمكىندىگىن ءمۇلت جىبەرمەدى.
دوپقا "قايراتتىڭ" كاپيتانى باۋىرجان يسلامحان جاقىنداپ كەلەدى.
گول. كانياس پەنالتي بويىنشا كومانداسىن العا شىعاردى.
پەنالتي. العاش بولىپ "استانا" ويىنشىسى روحەر كانياس تەبەدى.
ەكىنشى ەكسترا-تايم اياقتالدى. دەمەك, فۋتبولدان 2016 جىلعى قازاقستان سۋپەركۋبوگىنىڭ يەگەرى پەنالتي ارقىلى انىقتالاتىن بولادى.
116-مينۋت
ويىنشىلاردىڭ قيمىلدارىنان ولاردىڭ شارشاعانى انىق سەزىلەدى. سوعان قاراعاندا, فۋتبولشىلار بۇل ەسەپپەن كەلىسكەندەي. ەندەشە ءبىزدىڭ ويىن سوڭىنداعى پەنالتي كۇتىپ تۇر.
112-مينۋت
"استانانىڭ" كەزەكتى شابۋىلى ءساتسىز اياقتالدى. كانياستىڭ باسپەن جاساعان سوققىسى نىسانادان قيىس كەتتى.
107-مينۋت
استانالىقتار ساپىنان كوماندا كاپيتانى تاڭات نوسەرباەۆ الاڭداعى ورنىن بەرىك شايىقوۆقا بوساتىپ بەردى.
106-مينۋت
جەرار گوۋ ويىن ءتارتىبىن بۇزعانى ءۇشىن ەسكەرتۋ الدى.
106-مينۋت
ەكىنشى ەكسترا-تايم باستالدى. "قايراتتىڭ" باس جاتتىقتىرۋشىسى بوروديۋك مىرزا ويىنشىلار الماستىردى. اتاپ ايتقاندا, يساەلدىڭ ورنىنا الاڭعا ريەرا شىقتى.
ءبىرىنشى ەكسترا-تايم اياقتالدى.
103-مينۋت
اناتولي تيموششۋك ەسكەرتۋ الدى.
102-مينۋت
جەرار گوۋدىڭ "استانانىڭ" ايىپ الاڭىنداعى ارىپتەسى يساەلگە شىعارعان پاسى جەتپەدى. الاڭ يەلەرى قارىمتا شابۋىلعا شىققانىمەن "قايراتتىڭ" قورعاۋشىسى اناتولي تيموششۋك قاۋىپتىڭ بەتىن قايتارا ءبىلدى.
100-مينۋت
قايراتتىق جاركو ماركوۆيچ "استانا" ويىنشىسى روحەر كانياسقا قارسى ويىن ءتارتىبىن بۇزدى.
96-مينۋت
پاتريك تۆۋماسي قاقپانى نىساناعا الىپ كورگەنىمەن, دوپ دىتتەگەن جەردەن قيىس كەتتى.
91-مينۋت
ءبىرىنشى ەكسترا-تايم باستالدى.
90+3-مينۋت
ويىننىڭ نەگىزگى ۋاقىتىنا تورەشى 3 مينۋت ۋاقىت قوسقان. قازىر ول ۋاقىت تۇگەسىلىپ, كوماندالار ازداعان ۇزىلىسكە شىقتى. ەندى ولار ارقايسىسى 15 مينۋتتان تۇراتىن ەكسترا-تايمدا باق سىنايدى.
90+2-مينۋت
"قايرات" ويىنشىسى تەساك لۋكاش ەسكەرتۋ الدى.
89-مينۋت
ويىنشىلار الماسۋدا. "استانا" ساپىنان الاڭعا الەكسەي ششەتكين مەن مارك گۋرمان شىقتى. ولار تيىسىنشە دجوردجە دەسپوتوۆيچ پەن ەۆگەني پوستنيكوۆتى الماستىردى. سونداي-اق,
88-مينۋت
ويىننىڭ نەگىزگى ۋاقىتىنىڭ اياقتالۋىنا 2 مينۋت قالدى. ازىرگە گول سوعىلعان جوق.
78-مينۋت
الماتىلىقتار شابۋىلداۋدا. ەرمەك قۋانتاەۆتىڭ جويقىن سوققىسىنا الاڭ يەلەرىنىڭ قاقپاشىسى نەناد ەريچ توسقاۋىل بولا ءبىلدى.
77-مينۋت
جەرار گوۋ ايىپ الاڭىنىڭ سىرتىنان سوققى جاسادى. الايدا, دوپ قاقپادان قيىس كەتتى.
70-مينۋت
"استانا" شابۋىلشىسى پاتريك تۆۋماسي دورەكى ويىنى ءۇشىن ەسكەرتۋ الدى.
65-مينۋت
اسلان داراباەۆتىڭ ورنىنا الاڭعا "قايرات" ساپىندا ۆيتالي لي شىقتى.
57-مينۋت
"استانا" ويىنشىلارى ايىپ سوققىسىن ورىندادى. پاتريك ءتۆۋماسيدىڭ ايىپ الاڭىنا اسىرعان دوبىنا روحەر كانياس وزگەلەردەن بۇرىن جەتكەن. الايدا, ونىڭ باسپەن باعىتتاعان دوبى قاقپادان بيىك كەتتى.
50-مينۋت
ويىن بارىسىندا باسىمدىق نەگىزىنەن "استانانىڭ" جاعىندا ەكەنىن اتاپ وتكەن ءجون. ستانيمير ستويلوۆتىڭ شاكىرتتەرى جۇيەلى ويىن ورنەگىمەن "قايراتتىڭ" قورعانىسىن بۇزىپ ءوتۋدىڭ امالىن قاراستىرۋدا.
46-مينۋت
ەكىنشى تايم باستالدى.
ءبىرىنشى تايم اياقتالدى.
45-مينۋت
باس تورەشى راۆشان يرماتوۆ ءبىرىنشى تايمعا 1 مينۋت قانا قوستى.
37-مينۋت
استانالىق دجوردجە دەسپوتوۆيچ بۇرىنعى كومانداسىنا قارسى ساۋاتتى ويناۋدا. بۇرىشتان اسىرىلعان دوپتى باسپەن قاقپاعا باعىتتاعانىمەن, وعان دالدىك جەتىسپەدى.
32-مينۋت
"قايراتتىڭ" ايىپ الاڭىنداعى قاربالاس ءسات. دەگەنمەن, قاقپاشى ۆلاديمير پلوتنيكوۆ شەبەرلىگىمەن كوزگە ءتۇستى.
28-مينۋت
جەرار گوۋ "استانا" ايىپ الاڭىنا تاماشا پاس شىعارعان. الايدا, سوڭعى ساتتە اسلان داراباەۆ دوپتى قاقپاعا دۇرىستاپ باعىتتاي المادى.
21-مينۋت
ويىنداعى العاشقى ەسكەرتۋ قاعازى "قايراتتىڭ" ويىنشىسى جاركو ماركوۆيچكە كورەتىلدى.
20-مينۋت
"استانا" كاپيتانى تاڭات نوسەرباەۆ ەسەپ اشاتىن تاماشا مۇمكىندىكتى ءمۇلت جىبەردى. ول ەكى قورعاۋشىنىڭ ورتاسىنان سىتىلىپ شىعىپ, سوققى جاساعان. دەسەك تە, دوپ قاقپا باعانىنان كەيىن سەرپىلدى.
13-مينۋت
كەزدەسۋدىڭ بار بولعانى 10 مينۋتى ارتتا قالدى. سوعان قاراماستان, ماتچ اسا تارتىستى وتۋدە. "قايرات" ويىنشىسى يساەل از-كەم جاراقات الىپ, الاڭدى تاستاپ كەتۋگە ءماجبۇر بولدى.
3-مينۋت
تاڭات نوسەرباەۆ قارسىلاستىڭ ايىپ الاڭىنا ەمىن-ەركىن ەنىپ, سوققى جاساعانىمەن, ەسەپ اشا المادى.
1-مينۋت
فۋتبولدان 2016 جىلعى قازاقستان سۋپەركۋبوگى ءۇشىن "استانا" مەن "قايرات" اراسىنداعى ماتچ باستالدى.