استانا. 7 ناۋرىز. مەملەكەت باسشىسى داڭقتى پالۋان, ەركىن كۇرەستىڭ مايتالمانى ابىلسەيىت ايحانوۆتىڭ قايتىس بولۋىنا بايلانىستى مارقۇمنىڭ جاقىندارى مەن تۋىستارىنا كوڭىل ايتۋ جەدەلحاتىن جولدادى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى.
پرەزيدەنت اتى اڭىزعا اينالعان پالۋان ابىلسەيىت ايحانوۆتىڭ قازاقستان حالقىنىڭ ماقتانىشى بولعانىن اتاي وتىرىپ, كوڭىل ايتتى.
«ول بۇرىنعى كەڭەس وداعىنىڭ اۋقىمىندا عانا ەمەس, كوپتەگەن حالىقارالىق جارىستاردا جەڭىمپاز اتانۋ ارقىلى زور جەتىستىكتەرگە قول جەتكىزگەن اسا ۇلكەن دارىن يەسى ەدى. ابىلسەيىت ايحانوۆ ءوز جەڭىستەرى ارقىلى حالقىمىزدىڭ رۋحىن كوتەرىپ, جاستاردىڭ سپورتتىڭ وسى تۇرىمەن اينالىسۋىنا ىقپال ەتتى. كوپتەگەن جاس وعان ەلىكتەپ سالاماتتى ءومىر سالتىن ۇستانۋعا, قاجىرلى, قايراتتى بولىپ وسۋگە تالپىندى. بىلىكتى باپكەر رەتىندە دە كوپتەگەن داڭقتى سپورتشىلاردى تاربيەلەپ, ءوسىردى. سپورتتاعى جەتىستىكتەرى ءۇشىن قۇرمەتتى اتاقتار مەن ماراپاتتارعا يە بولدى», – دەلىنگەن جەدەلحاتتا.
سوڭىندا نۇرسۇلتان نازارباەۆ ابىلسەيىت ايحانوۆتىڭ ەسىمى مەن ەڭبەگىن قازاقستاندىقتار ۇمىتپايتىنىن اتاپ ءوتتى.
تالعات رايىمبەك.
دەرەك, سۋرەت: akorda.kz.