استانا. 7 ناۋرىز. فريستايلدان شۆەيتساريانىڭ ايرولو قالاسىندا وتكەن ەۋروپا كۋبوگىندا قازاقستاندىق سپورتشى جانبوتا الدابەرگەنوۆا توپ جاردى. بۇل تۋرالى شاڭعى سپورتى حالىقارالىق فەدەراتسياسىنىڭ رەسمي سايتى – fis-ski.com-عا سىلتەمە جاساعان egemen.kz ءتىلشىسى حابارلادى.
وتانداسىمىز 152,95 ۇپاي جيىپ, الدىنا جان سالمادى. ال 149,70 ۇپاي ەنشىلەگەن بەلورۋس قىزى حاننا حۋسكوۆا كۇمىس مەدالدى موينىنا تاقتى. ونىڭ وتانداسى الەكساندرا رومانوۆسكايا 149,17 ۇپايمەن ۇزدىك ۇشتىكتى تۇيىندەدى.
ايتا كەتەيىك, وسى سايىسقا قاتىسقان تاعى ءبىر قازاقستاندىق جىبەك اراپباەۆا 122,3 ۇپاي جيناپ, 8-ورىنعا تابان تىرەدى. اتالعان جارىستا بارلىعى 12 سپورتشى باق سىناعانىن اتاپ وتكەن ءجون.
ەلامان قوڭىر.
دەرەك: fis-ski.com.
سۋرەت: facebook.com.