قاراعاندى. 25 اقپان. قاراعاندى وبلىسىندا پوليتسيا قىزمەتكەرلەرى ءىرى كولەمدە ەسىرتكى ساتۋمەن اينالىسىپ جۇرگەن كۇدىكتىلەردى قولعا ءتۇسىردى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ەسىرتكى بيزنەسىمەن كۇرەس جونىندەگى باسقارمانىڭ قىزمەتكەرلەرى وساكاروۆ اۋدانىنداعى ەسىل اۋىلىندا ەسىرتكى ساتۋمەن اينالىستى دەگەن كۇدىكپەن 42 جاستاعى تۇرعىندى ۇستاعان بولاتىن. كۇدىكتىنىڭ ءۇيىن ءتىنتۋ بارىسىندا 1 كيلودان استام ەسىرتكى زاتى تابىلدى.
سول كۇنى تەمىرتاۋ قالاسىنىڭ ءتارتىپ ساقشىلارى جەدەل-ىزدەستىرۋ شارالارى بارىسىندا 37 جاستاعى جەرگىلىكتى تۇرعىننىڭ اۆتوكولىگىنەن 500 گرامم ەسىرتكى تاپتى.
قازىرگى كەزدە وسى ەكى فاكتى بويىنشا سوتقا دەيىنگى تەرگەۋ امالدارى جۇرگىزىلۋدە.
قايرات ءابىلدينوۆ.
دەرەك, سۋرەت: قاراعاندى وبلىسىنىڭ ىشكى ىستەر دەپارتامەنتىنىڭ ءباسپاسوز قىزمەتى.