«نۇرلى جول» – جەتىستىكتەرگە كەپىل

الماتىدا قالالىق كاسىپكەرلەر پالاتاسىنىڭ ۇيىمداستىرۋىمەن «نۇرلى جول – كاسىپكەرلىك ءۇشىن جاڭا مۇمكىندىكتەر» اتتى بيزنەس-فورۋم ءوتتى مەملەكەت تاراپىنان جاسالىپ جات­قان جان-جاقتى قامقورلىقتىڭ ءناتي­جەسىندە ەلىمىزدەگى شاعىن جانە ورتا بيز­نەس قۋاتتانىپ, ەكونوميكا سالاسىندا نەگىزگى دونورعا اينالدى. الماتى قالاسىنداعى ىشكى جالپى ءونىمنىڭ 25 پايىزى, سالىق ءتۇسىمىنىڭ 43 پايىزى كاسىپكەرلىكتەن تولىعىپ وتىرعانى دا بۇگىنگى كۇننىڭ شىندىعى. فورۋمدى اشقان الماتى قالالىق كا­سىپ­كەرلەر پالاتاسى ديرەكتورىنىڭ ورىنباسارى قايرات قۇدايبەرگەنوۆ وسىناۋ ايشىقتى كور­سەتكىشتەرگە سۇيەنە وتىرىپ سويلەگەن سوزىندە: – «نۇر وتان» پارتياسىنىڭ كەزەكتەن تىس ءحVىى سەزىندە ەلباسى نۇرسۇلتان نازارباەۆ جەكە كاسىپكەرلىكتى دامىتۋ ماقساتىن­دا قار­جىلاندىرۋ كولەمى وسەتىندىگىن, مامانداردىڭ بىلىكتىلىگىن كوتەرۋ مەن قايتا دايارلاۋعا ايرىقشا نازار اۋدارىلاتىنىن ەرەكشە اتادى. تۇتاس العاندا, «نۇرلى جول» باعدارلاماسىن جۇزەگە اسىرۋ اياسىندا تاياۋداعى جىلدارى 400 مىڭ جۇمىس ورنىمەن قامتاماسىز ەتىلەدى, – دەدى. بالكىم, سوندىقتان دا شىعار, بۇگىنگى باس­قوسۋدا, ەلباسى جۇكتەگەن سول مىندەتتەرگە سايكەس, الماتىنىڭ بيزنەس قاۋىمداستىعىنا بارىنشا قولداۋ كورسەتۋ, بولاشاق كەشەندى شارالاردى ويلاستىرۋ جوبالارى بوي كور­سەتتى. فورۋمعا قاتىسۋشىلار «نۇر وتان» پار­تياسىنىڭ سايلاۋالدى باعدارلاماسىن جۇزەگە اسىرۋ بارىسىنداعى شاعىن جانە ورتا كاسىپكەرلىكتى دامىتۋدىڭ الداعى مەجەلەرىن قىزۋ تالقىلادى. العاشقى بولىپ ءسوز العان «دامۋ» كاسىپ­كەرلىكتى دامىتۋ قورى» اق الماتى فيليالىنىڭ وكىلى ەرمەك ابدىبەكوۆ حالىقارالىق بانك ۇيىم­دارىنان شاعىن جانە ورتا بيزنەستى قولداۋعا تۇسكەن قارجىلاردىڭ جۇمسالۋ مەن نەسيەلىك جۇيەلەرىنە كەڭىنەن توقتالدى. بۇگىنگى تاڭدا الماتى قالاسى بوي­ىنشا «جول كارتاسىنا» سايكەس 41 جوبا جۇزە­گە اسىرىلۋدا. بۇعان قو­سىم­شا تەك قانا «بيزنەس­تەگى ايەلدەر» باعدار­لاماسىنا سايكەس 54 جوبا ءىس-قيمىل ۇستىندە ەكەندىگى دە اتاپ ءوتىلدى. – قازىر كاسىپكەرلىكتى جۇرەگىمەن قالاعان ءاربىر جانعا «داعدارىس قايدا دەپ ەمەس, جوسپار قايدا؟» دەپ قىزمەت ەتەتىن كەزەڭ تۋدى , – دەپ ءسوز باستاعان شاعىن بيزنەس فەدەراتسياسىنىڭ توراعاسى ۆلاديسلاۆ تسوي جينالعانداردى ءبىر جەلپىنتىپ تاستادى. – ول ءۇشىن «نۇرلى جول» ارقاشان دا جەتىستىكتەرگە كەپىل بولادى, – دەدى ول تاعى دا. «ەكوتاكسي» كومپانياسىنىڭ جەتەكشىسى ماكسيم سارسەنوۆ مەملەكەتتىڭ كاسىپكەرلىكتى قولداۋ ۇلگىسىنىڭ ءبىر كورىنىسى رەتىندە بۇگىنگى تاڭدا الماتى قالاسىندا 750 تاكسيدىڭ تۇر­عىن­دارعا قىزمەت كورسەتىپ وتىرعانىن مىسالعا كەلتىردى. ءارى الداعى ۋاقىتتا اۆتومو­بيلدەر سانى 1000 داناعا جەتەتىنىنە سەندىردى. فورۋم الماتى كاسىپكەرلەرىنىڭ «نۇر وتان» پارتياسىنىڭ كەزەكتەن تىس وتكەن ءحVىى سەزىنىڭ شەشىمدەرىن قولدايتىندىقتارىن بىلدىرەتىن ۇندەۋ قابىلدادى. ايتا كەتەر جاعىمدى جاڭالىق, القالى جيىن سوڭىندا جاس كاسىپكەرلەرمەن شەبەرلىك-ساباقتارى وتكىزىلدى. تالعات ءسۇيىنباي, «ەگەمەن قازاقستان». الماتى. سۋرەتتى تۇسىرگەن يۋري بەككەر.