قورعانىس مينيسترلىگى اسكەري قىزمەتشىلەرىگە اقشالاي ۇلەس, جاردەماقىلار جانە وزگە دە تولەمدەردى تولەۋ قاعيدالارىنا وزگەرىستەر ەنگىزدى. ەندى اسكەريلەرگە 425 مىڭ تەڭگەگە دەيىن كومەك بەرىلەدى, دەپ حابارلايدى Egemen.kz.
قاعيدالارعا «ىستەر مەن لاۋازىمدى قابىلداۋ كۇنى» جانە «ىستەر مەن لاۋازىمدى تاپسىرۋ كۇنى» دەگەن جاڭا ۇعىمدار ەنگىزىلگەن. بۇل كۇندەر كوماندير بۇيرىعىمەن بەكىتىلىپ, اقشالاي ۇلەستى ەسەپتەۋ كەزىندە ەسكەرىلەدى. سونىمەن قاتار جەكەلەگەن تولەمدەردى ەسەپتەۋ ءتارتىبى دە ناقتىلاندى. مىسالى, اسكەري قىزمەتتەن تەرىس سەبەپتەرمەن بوساتىلعان جاعدايدا ساۋىقتىرۋعا ارنالعان جاردەماقى ايداعى ناقتى كۇنتىزبەلىك كۇندەرگە پروپورتسيونالدى تۇردە ەسەپتەلەدى. قۇجاتتا سىياقى بەرۋ ءتارتىبى دە ايقىندالعان.
اسكەري قىزمەتشىلەردىڭ اقشالاي ۇلەسى مەن جاردەماقىسى: ەرەجەگە قانداي وزگەرىستەر ەندى؟
اسكەري قىزمەتشىلەر ەرەكشە ماڭىزدى ءارى كۇردەلى تاپسىرمالاردى ورىنداعانى, جوعارى ناتيجەلەرگە قول جەتكىزگەنى جانە قىزمەتتىك مىندەتتەرىن ۇلگىلى اتقارعانى ءۇشىن ىنتالاندىرىلۋى مۇمكىن. سىياقىلار مەملەكەتتىك جانە كاسىبي مەرەكەلەرگە, سونداي-اق مەرەيتويلىق كۇندەرگە وراي بەرىلەدى. مەرەيتويلىق جاس 40 جاستان باستاپ ءاربىر بەس جىل سايىن ەسەپتەلەدى.
وزگەرىستەردىڭ الەۋمەتتىك قولداۋ بولىگىنە سايكەس اسكەري قىزمەتشىلەرگە بەرىلەتىن ماتەريالدىق كومەكتىڭ مولشەرى ۇلعايتىلعان. ەندى ونىڭ كولەمى ەڭ تومەنگى جالاقىعا بايلانىستى ەسەپتەلەدى, بۇل بيىل 85 000 تەڭگەنى قۇرايدى.
بيىل اسكەري جيىندارعا قانشا ازامات شاقىرىلادى؟
ماتەريالدىق كومەك بيۋدجەت قاراجاتىنىڭ ۇنەمدەلۋى ەسەبىنەن تولەنەدى. جاقىن تۋىستارىنىڭ, جۇبايىنىڭ نەمەسە قايىن جۇرتىنىڭ قايتىس بولۋى جاعدايىندا ول ەڭ تومەنگى جالاقىنىڭ بەس ەسەلەنگەن مولشەرىنە دەيىن (425 مىڭ تەڭگەگە دەيىن) جەتۋى مۇمكىن. ال نەكەگە تۇرۋ, بالا تۋ, بالا اسىراپ الۋ, م ۇلىكتىك زالال نەمەسە ەمدەلۋ قاجەت بولعان جاعدايدا ءۇش ەسەلەنگەن مولشەرگە دەيىن (255 مىڭ تەڭگەگە دەيىن) بەرىلەدى.
مينيسترلىك مالىمەتىنشە, بۇل وزگەرىستەر تولەمدەر جۇيەسىنىڭ اشىقتىعى مەن ادىلدىگىن ارتتىرۋعا جانە اسكەري قىزمەتشىلەردىڭ الەۋمەتتىك قورعالۋىن كۇشەيتۋگە باعىتتالعان.