ۇلتتىق ستاتيستيكا بيۋروسى 2025 جىلدىڭ قورىتىندىسى بويىنشا حالىقتىڭ تابىسى مەن شىعىستارىنا قاتىستى ەسەپتى جاريالادى. مالىمەتتەرگە سايكەس, ەلىمىزدە جان باسىنا شاققانداعى ورتاشا جىلدىق اقشالاي تابىس 1,45 ملن تەڭگەنى قۇرادى, دەپ حابارلايدى Egemen.kz.
زەرتتەۋ ناتيجەلەرى كورسەتكەندەي, قازاقستاندىقتاردىڭ تابىس كوزى مەن شىعىس قۇرىلىمىندا ايتارلىقتاي وڭىرلىك جانە الەۋمەتتىك الشاقتىقتار بايقالادى.
حالىقتىڭ نەگىزگى كۇنكورىس كوزى رەتىندە ەڭبەكاقى (969,5 مىڭ تەڭگە);مەن مەملەكەتتىك قولداۋ قالىپ وتىر (261,4 مىڭ تەڭگە).
ەلىمىزدە ورتاشا جالاقىنى ەسەپتەۋ ەرەجەلەرى وزگەرەدى
ءبىر ادامنىڭ ورتاشا جىلدىق شىعىنى 1,3 ملن تەڭگەنى قۇرادى. ااماتتاردىڭ تابىسىنىڭ ەڭ ۇلكەن بولىگى قايدا جۇمسالاتىنى انىقتالدى:
ازىق-ت ۇلىك – 672,1 مىڭ تەڭگە. تۇتىنۋ سەبەتىندە ەت جانە ەت ونىمدەرى, نان, ءسۇت تاعامدارى مەن كوكونىستەر كوش باستاپ تۇر.
ازىق-ت ۇلىك ەمەس تاۋارلار – 269,1 مىڭ تەڭگە.
اقىلى قىزمەتتەر – 240,1 مىڭ تەڭگە.
دەنساۋلىق ساقتاۋ – 36,2 مىڭ تەڭگە (نەگىزىنەن ءدارى-دارمەك پەن ستوماتولوگيالىق قىزمەتتەر).
ءبىلىم بەرۋ – 25 مىڭ تەڭگە (بالاباقشا مەن جوعارى ءبىلىم شىعىندارى).
سونداي-اق حالىقتىڭ قارىز جۇكتەمەسى دە نازاردان تىس قالمادى: نەسيە مەن قارىزدى وتەۋگە ورتاشا ەسەپپەن 84,2 مىڭ تەڭگە باعىتتالعان.
ەلىمىزدە ورتاشا جالاقى مولشەرى قانشا تەڭگە؟
تابىس دەڭگەيى بويىنشا وڭىرلەر اراسىندا ەكى ەسەگە جۋىق ايىرماشىلىق بار:
كوشباسشىلار: استانا (2,05 ملن تەڭگە) جانە قاراعاندى وبلىسى (2,03 ملن تەڭگە).
تومەنگى كورسەتكىش: تۇركىستان وبلىسى (922,8 مىڭ تەڭگە).
شىعىندار بويىنشا دا قاراعاندى وبلىسى مەن الماتى قالاسى الدا. ال نەسيەلىك جۇكتەمە ەڭ جوعارى ايماق رەتىندە ۇلىتاۋ وبلىسى تانىلسا, شىمكەنت قالاسىنىڭ تۇرعىندارى ەڭ از قارىز العاندار ساناتىنا جاتتى.
نەسيە تولەمىن كەشىكتىرگەندە نەنى بىلگەن ءجون؟
قالالىقتاردىڭ جىلدىق شىعىنى (1,4 ملن تەڭگە) اۋىل تۇرعىندارىنان (1,03 ملن تەڭگە) جوعارى. قالادا تۇرعىندار اقىلى قىزمەتتەرگە كوبىرەك جۇگىنسە, اۋىلدىق جەردە ءوز قوسالقى شارۋاشىلىعىنىڭ ونىمدەرىن پايدالانۋ ۇلەسى جوعارى.