الەۋمەتتىك جەلىلەردە اقتوبە وبلىسىنىڭ تۇرعىنى دومبىرا مەن وزگە دە ىشەكتى اسپاپتاردى «حارام» دەپ اتاپ, ونىڭ بۇل ارەكەتى قوعامدا قىزۋ تالقىلاندى. وقيعادان كەيىن پوليتسيا ءدىني الاۋىزدىقتى قوزدىرۋ بابى بويىنشا قىلمىستىق ءىس قوزعادى, دەپ جازادى Egemen.kz.
تاراتىلعان ۆيدەودا ازات قوڭعىز ەسىمدى ازامات دومبىرا, گيتارا, بالالايكا جانە باسقا دا ىشەكتى مۋزىكالىق اسپاپتاردى يسلام تۇرعىسىنان تىيىم سالىنعان دەپ مالىمدەگەن. ول ءوز سوزىندە بۇل پىكىردى ءدىن عالىمدارى مەن يمامدارعا سىلتەپ جەتكىزگەن.
«بۇل تۋرالى مۋفتيلەر, حانافي ءمازھابىنىڭ عالىمدارى, فاكيحتەر مەن يمامدار ايتقان. ءتىپتى ونى ءبىر ءسات تىڭداۋدىڭ ءوزى كۇنا سانالادى», دەگەن ول ۆيدەودا.
اتالعان جازبا الەۋمەتتىك جەلىدە كەڭ تارالىپ, قوعامدا قىزۋ تالقىلاۋ تۋعىزدى. سەبەبى دومبىرا – قازاق حالقىنىڭ ۇلتتىق مادەنيەتىنىڭ ماڭىزدى سيمۆولى.
ەندى دومبىرانى ۇشاق سالونىنا الىپ كىرۋگە بولادى
وسى جاعدايدان كەيىن اقتوبە وبلىسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى ازاماتتى انىقتاپ, ۇستاعان. قازىرگى ۋاقىتتا ءىس بويىنشا سوتقا دەيىنگى تەرگەۋ جۇرگىزىلىپ جاتىر.
«سوتقا دەيىنگى تەرگەۋ امالدارى جۇرگىزىلىپ, وقيعانىڭ بارلىق ءمان-جايى انىقتالىپ جاتىر», دەپ حابارلادى پوليتسيا.
ۆەدومستۆونىڭ مالىمەتىنشە, قازاقستان زاڭناماسىندا ءدىني الاۋىزدىقتى قوزدىرعانى ءۇشىن قىلمىستىق جاۋاپكەرشىلىك قاراستىرىلعان, بۇل باپ بويىنشا باس بوستاندىعىنان ايىرۋ جازاسى قاراستىرىلۋى مۇمكىن.
دومبىرا حارام با, قانداي انگە شاريعات تىيىم سالعان - ءمۇفتيات جاۋابى