ۇكىمەت وتىرىسىندا مەديتسينالىق قۇجاتتاردى راسىمدەۋدى جەڭىلدەتۋگە ارنالعان «Ascle» ستارتاپ جوباسى تانىستىرىلدى. جوبا دارىگەر جۇكتەمەسىن ازايتىپ, پاتسيەنت قابىلداۋ تيىمدىلىگىن ارتتىرۋدى كوزدەيدى, دەپ جازادى Egemen.kz.
ستارتاپ جەتەكشىسى سۇلتان جۇماباەۆتىڭ ايتۋىنشا, ازىرلەنىپ جاتقان جۇيە دارىگەر مەن ناۋقاس اراسىنداعى ديالوگتى تىركەپ, سويلەۋدى تانيدى جانە ونى قۇرىلىمدالعان مەديتسينالىق دەرەكتەرگە اينالدىرادى. بۇل دەرەكتەر اۆتوماتتى تۇردە العاشقى قابىلداۋ كارتاسىنا جانە مەديتسينالىق قۇجاتتاردىڭ نەگىزگى بولىمدەرىنە ەنگىزىلەدى. سونىمەن قاتار جۇيە الىنعان اقپاراتقا سۇيەنە وتىرىپ, الدىن الا دياگنوز قويىپ, ەمدەۋ تاسىلدەرىن ۇسىنا الادى.
جاساندى ينتەللەكت ينسۋلتتان بولاتىن ءولىم-ءجىتىمدى 40%-عا تومەندەتكەن
جوبانىڭ باستى ارتىقشىلىعى – مەديتسينالىق قۇجات تولتىرۋعا كەتەتىن ۋاقىتتى 50%-عا دەيىن قىسقارتۋ. سونىڭ ارقاسىندا دارىگەرلەر ناۋقاسپەن تىكەلەي جۇمىسقا كوبىرەك ۋاقىت بولەدى, ال ەمحانالار ءبىر كۇندە قابىلدايتىن پاتسيەنت سانىن ارتتىرا الادى.
قازىرگى تاڭدا «Ascle» ستارتاپى ەلىمىزدىڭ ءتورت وڭىرىندەگى 38 كلينيكادا سىناقتان وتكەن. جوبا ءساتتى جۇزەگە اسسا, دەنساۋلىق ساقتاۋ جۇيەسىندەگى قىزمەت كورسەتۋ ساپاسىن جاقسارتىپ, كەزەك ماسەلەسىن ازايتۋعا مۇمكىندىك بەرەدى.
جاساندى ينتەللەكت ارقىلى قازاقستان شەكاراسىنان ءوتۋ ۋاقىتى 4 ساعاتتان 30 مينۋتقا دەيىن قىسقارادى