نارەستە ءومىرى

ءۇشىن قۇتقارۋشىلارعا قار قۇرساۋى كەدەرگى ەمەس قوستاناي وبلىسىنىڭ ءتو­تەنشە جاعدايلار دەپارتا­مەن­تىندەگى كەزەكشى تەلەفونى ەكى كەشتىڭ اراسىندا بەزىلدەپ قويا بەردى. اۋليەكول اۋدانىنداعى داڭگىرباي اۋىلىندا تۇراتىن چەرتوكتار وتباسىنان تەلەفون شالىپ تۇر ەكەن. تەلەفوننىڭ ار جاعىنان بالانىڭ شىرىلداعان داۋىسى ەستىلدى, وتاعاسى دا دەگبىرسىزدەنە سويلەدى. ءبىر جاستاعى نارەستەسى – يليا قايناپ تۇرعان سۋعا كۇيىپ قالىپتى. بالانى تەز ارادا اۋداندىق اۋرۋحاناعا جەتكىزۋ كەرەك. بىراق داڭگىرباي اۋىلى اۋليەكولدەن 80 شاقىرىم جەردە جاتىر. جولداردى قالىڭ قار باسىپ قالعان, كولىكپەن دە, ءتىپتى, جاياۋ ءجۇرۋ دە مۇمكىن ەمەس. مىنانداي دابىلدى حاباردان كەيىن سولتۇستىك وڭىرلىك اەروموبيلدىك جەدەل-قورعاۋ جاساعىنىڭ قۇت­قارۋشىلارى «ترەكول» ارنايى جابدىقتالعان كولىگىمەن سۋىت جولعا شىعىپ كەتتى. ولارعا جو­لاي اۋليەكول اۋدانىنىڭ ءتو­تەنشە جاعدايلار ءبولىمى قىز­مەتكەرلەرى جانە اۋداندىق اۋرۋحانانىڭ مەدبيكەسى مەن رەانيماتولوگ-دارىگەرى قوسىلدى. قۇتقارۋشىلار مەن ءدارى­گەرلەرگە كۇننىڭ كۇرت جىلىنۋى­نان جەنتەكتەلگەن قالىڭ قارمەن ءتۇن ىشىندە ەكى ساعات ءجۇرۋ وڭاي بولعان جوق. داڭگىرباي اۋىلىنا بار مۇمكىندىگىنشە جىلدامداتا جەتكەن دارىگەرلەر بالاعا العاشقى مەديتسينالىق كومەك كورسەتكەن سوڭ, ونى اۋرۋحاناعا جاتقىزۋ كەرەك دەپ شەشتى. قۇتقارۋشىلار مەن دارىگەرلەر كوپبالالى وتباسىنان تەك كۇيىپ قالعان نارەستەنى عانا ەمەس, ۆيرۋستى سۋىق تيۋ بەلگىسىمەن اۋىرىپ وتىرعان ەكى جاستاعى ءبۇلدىرشىندى دە قوسا الىپ, قار قۇرساۋلاعان جولعا قايتا شىقتى. ۇلكەن جولدىڭ ۇستىندە اناسى مەن بالالاردى «جەدەل جاردەم» كولىگى كۇتىپ تۇردى. ول ەمدەلۋشىلەردى امان-ەسەن اۋداندىق اۋرۋ­حاناعا جەتكىزدى. – تۇكپىردەگى داڭگىرباي اۋىلىنداعى چەر­توكتار وتباسىندا ءۇپىر-ءشۇپىر بەس بالانىڭ ۇلكەنى بەس, ەڭ كىشىسى ءبىر جاس ءبىر ايدا ەكەن. ەگەر قۇتقارۋشىلار تۇندەلەتىپ جەتپەگەندە, ەكى ءبۇلدىرشىننىڭ دە جاعدايى قيىن بولار ەدى, – دەيدى توتەنشە جاعدايلار دەپارتامەنتى ءباسپاسوز قىزمەتىنىڭ جەتەكشىسى ءۋاليحان دوسانوۆ. داڭگىرباي اۋىلىنداعى بۇلدىرشىندەردى قار قۇرساۋىنان تاس جولعا دەيىن امان شى­عارىپ بەرۋمەن قۇتقارۋشىلاردىڭ جۇمىسى ءبىت­كەن جوق ەدى. ولار انانى بالالارىمەن «جە­دەل جاردەمگە» تاپسىرا سالا, وزدەرى ءارى قاراي ناۋرىزىم اۋدانىنىڭ ءدامدى اۋىلى ماڭىن­داعى تاس جولدا كولىگى توقتاپ قالعان جاس جىگىتكە كومەككە جەتۋگە اسىعىپ كەتتى. قۇتقا­رۋشىلار جىگىتتىڭ كولىگىندەگى اقاۋدى جوندەپ, ونىمەن اۋليەكول كەنتىنە دەيىن قاتار ءجۇرىپ كەلدى. ءنازيرا جارىمبەتوۆا, «ەگەمەن قازاقستان». قوستاناي.