جەرگىلىكتى كوميسسيا جۇمىسقا كىرىستى

قاراعاندى قالاسىندا سايلاۋدى بايقاۋ جونىندەگى رەس­پۋب­ليكالىق قوعامدىق كوميسسيانىڭ وڭىرلىك فيليالى جۇمىس ىستەي باستادى. بۇل تۋرالى كەشە وتكەن باس­پا­سوز ءماسليحاتىندا «سايلاۋدى باي­قاۋ جونىندەگى رەسپۋبليكالىق قوعامدىق كوميسسيا» رقق ءوڭىر­لىك فيليالىنىڭ باسشىسى, «قاراعاندى وبلىسىنىڭ ازا­ماتتىق اليانسى» قاۋىم­داس-­ تى­عى­نىڭ پرەزيدەنتى, قازاق­ستان حالقى اسسامبلەياسى وبلىستىق في­ليالىنىڭ مۇشەسى ناتاليا ۆشيۆ­تسەۆا مالىمدەدى. «ءبىزدىڭ وبلىستىق كوميس­سيانىڭ قۇرامىندا ازاماتتىق اليانستىڭ مۇشەلەرى, ازاماتتىق بەلسەندى ۇستانىمى بار بەلگىلى قوعام قايرات­كەرلەرى, ۇكىمەتتىك ەمەس ۇيىمدار­دىڭ وكىلدەرى بار. بۇگىنگى كۇندە شتاب قۇ­رى­لىپ, بايقاۋشىلار ىسكە كىرىستى», – دەدى ن. ۆشيۆتسەۆا. قوعامدىق كوميسسيانىڭ نەگىز­گى مىندەتى – سايلاۋ ۇدەرىسىنىڭ بار­لىق كەزەڭىنە مونيتورينگ جاساۋ. ياعني, زاڭدى ساقتاي وتىرىپ, ساي­لاۋدىڭ اشىق جانە ءادىل تۇردە وتۋىنە ىقپال ەتۋ. «ءبىز ءاربىر ءۇمىت­كەردىڭ قۇقىعىنىڭ ساقتالۋىنا, ولاردىڭ تەڭ جاعدايدا بولۋىنا جانە سايلاۋ الدىنداعى كۇرەستىڭ ءادىل ءجۇر­گىزىلۋىنە قاتاڭ باقىلاۋ ءجۇر­گى­زەتىن بولامىز», – دەپ اتاپ ءوتتى وبلىستىق كوميسسيانىڭ باسشىسى. ناتاليا ۆشيۆتسەۆا ءمالىم­دە­گەندەي, جوسپار بويىنشا قارا­عان­دى وبلىسىندا 800-دەن استام باي­قاۋشى ارنايى دايارلىقتان وتكىزىلمەكشى. قايرات ءابىلدينوۆ, «ەگەمەن قازاقستان». قاراعاندى.