وڭتۇستىكتە ماۋسىمدىق تۇماۋدان قاۋىپ جوق

شىمكەنت. 26 قاڭتار. وڭتۇستىك قازاقستان وبلىسىندا ماۋسىمدىق تۇماۋدان قاۋىپ جوق. بۇل تۋرالى egemen.kz ءتىلشىسى حابارلادى. وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ايگۇل ساپارعاليەۆانىڭ ايتۋىنشا, ەل اراسىندا «شوشقا تۇماۋى» دەپ اتالاتىن تۇماۋلى 37 ادام شىمكەنت قالالىق جۇقپالى اۋرۋحاناسىندا ەم الىپ, تولىقتاي جازىلعان. ءباسپاسوز ءماسليحاتىندا ءسوز العان وقو تۇتىنۋشىلار قۇقىعىن قورعاۋ دەپارتامەنتى باسشىسىنىڭ ورىنباسارى جۇماعالي مەدەتوۆ ەكپە جۇمىستارى كەزىندە وبلىستا 450 مىڭ ازاماتتان بولەك, 4,5 مىڭ ادامعا جۇمىس بەرۋشىلەردىڭ ەسەبىنەن, 318 ادامعا اقىلى ەسەپتەن ەكپە جۇمىستارى جاسالعانىن ايتتى. «ال ماۋسىمدىق تۇماۋعا شالدىققان 37 ادامنىڭ بىرەۋى دە ەكپەدەن وتپەگەن. ءبىر قۋانتارلىعى, ولاردىڭ ەشقايسىسى ماۋسىمدىق تۇماۋدىڭ قاۋىپتى تۇرىمەن ەمەس, اتالعان تۇماۋدىڭ ورتاشا, جەڭىل تۇرىمەن ناۋقاستاندى. بۇگىندە ولاردىڭ جاعدايلارى جاقسى. ەشقانداي قاۋىپ جوق», دەدى ول. ايتا كەتەيىك, شوشقا تۇماۋىنا قارسى 450 مىڭنان استام ادامعا ەكپە جاسالعان. ونىڭ 16 پايىزى جۇكتى ايەلدەر بولسا, 60 پايىزى بۇلدىرشىندەر. باقتيار تايجان. دەرەك, سۋرەت: وڭتۇستىك قازاقستان وبلىسى دەنساۋلىق ساقتاۋ باسقارماسى.