2015 جىلعى 30 جەلتوقسان, استانا, ۇكىمەت ءۇيى
«اسكەري قىزمەتشىلەرگە, ارناۋلى مەملەكەتتىك جانە قۇقىق قورعاۋ ورگاندارىنىڭ, مەملەكەتتىك فەلدەگەرلىك قىزمەت قىزمەتكەرلەرىنە, سونداي-اق اسكەري نەمەسە ارنايى اتاقتار, سىنىپتىق شەندەر الۋ جانە نىساندى كيىم كيىپ ءجۇرۋ قۇقىقتارى 2012 جىلعى 1 قاڭتاردان باستاپ جويىلعان ادامدارعا ەڭبەك سىڭىرگەن جىلدارىن ەسەپتەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 24 اقپانداعى № 129 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «اسكەري قىزمەتشىلەرگە, ارناۋلى مەملەكەتتىك جانە قۇقىق قورعاۋ ورگاندارىنىڭ, مەملەكەتتىك فەلدەگەرلىك قىزمەت قىزمەتكەرلەرىنە, سونداي-اق اسكەري نەمەسە ارنايى اتاقتار, سىنىپتىق شەندەر الۋ جانە نىساندى كيىم كيىپ ءجۇرۋ قۇقىقتارى 2012 جىلعى 1 قاڭتاردان باستاپ جويىلعان ادامدارعا ەڭبەك سىڭىرگەن جىلدارىن ەسەپتەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 24 اقپانداعى № 129 قاۋلىسىنا (قازاقستان رەسپۋبليكاسىنىڭ ءپۇاج-ى, 2014 ج., № 9, 84-قۇجات) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن اسكەري قىزمەتشىلەرگە, ارناۋلى مەملەكەتتىك جانە قۇقىق قورعاۋ ورگاندارىنىڭ, مەملەكەتتىك فەلدەگەرلىك قىزمەت قىزمەتكەرلەرىنە, سونداي-اق اسكەري نەمەسە ارنايى اتاقتار, سىنىپتىق شەندەر الۋ جانە نىساندى كيىم كيىپ ءجۇرۋ قۇقىقتارى 2012 جىلعى 1 قاڭتاردان باستاپ جويىلعان ادامدارعا ەڭبەك سىڭىرگەن جىلدارىن ەسەپتەۋ قاعيدالارىندا:
4-تارماقتىڭ 4) تارماقشاسىنىڭ وتىزىنشى ابزاتسى مىناداي رەداكتسيادا جازىلسىن:
«2002 جىلعى 1 قاڭتاردان باستاپ قىلمىستىق-اتقارۋ جۇيەسى ۆەدومستۆولارىنداعى, مەكەمەلەرىندەگى, ورگاندارىنداعى, كاسىپورىندارىنداعى جانە ءبىلىم بەرۋ ۇيىمدارىنداعى (جوعارى وقۋ ورىندارىن قوسپاعاندا), 2004 جىلعى 1 قاڭتاردان باستاپ قىلمىستىق-اتقارۋ جۇيەسىنىڭ تەرگەۋ يزولياتورلارىنداعى جانە 2004 جىلعى 30 شىلدەدەن باستاپ قىلمىستىق-اتقارۋ جۇيەسىنىڭ جوعارى وقۋ ورىندارىنداعى قىزمەت, سونداي-اق 2012 جىلعى 18 اقپاننان باستاپ قىلمىستىق-اتقارۋ جۇيەسىنىڭ مەكەمەلەرىندە ۇستالاتىن ادامداردىڭ مىنەز-قۇلقىن باقىلاۋ مەن قاداعالاۋدى جۇزەگە اسىراتىن قازاقستان رەسپۋبليكاسىنىڭ ىشكى اسكەرلەرى, ۇلتتىق ۇلانى اسكەري قىزمەتشىلەرىنىڭ قىزمەتى;».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.