استانا. 15 قاڭتار. الەمنىڭ ەڭ ۇزدىك فۋتبولشىسى, بەس دۇركىن «التىن دوپتىڭ» يەگەرى ليونەل مەسسي 2020 جىلى بىرىككەن اراب امىرلىكتەرىنىڭ دۋباي قالاسىندا وتەتىن ەكسپو-2020 حالىقارالىق كورمەسىنىڭ رەسمي تۇردە ەرىكتى ەلشىسى اتاندى. بۇل تۋرالى thenational.ae سايتىنا سىلتەمە جاساعان egemen.kz ءتىلشىسى حابارلادى.
ەكسپو-2020 كورمەسىنىڭ باس ديرەكتورى, مەملەكەتتىك مينيستر ريم ال-حاشەميدىڭ ايتۋىنشا, مەسسيدىڭ قاتىسۋىمەن شارانىڭ بەدەلى ارتىپ, وعان قىزىعۋشىلار قاتارى كوبەيمەك.
«ليونەل مەسسيدىڭ ويىنىن كوزبەن كورۋ, ول ونەر كورسەتەتىن «بارسەلونا» كلۋبىنىڭ ماتچتارىن ستاديوننان تاماشالاۋ كەز كەلگەن فۋتبول جانكۇيەرىنىڭ ارمانى دەسەك, ارتىق ەمەس. وسىنداي داڭقتى تۇلعانىڭ دۋبايدا وتەتىن ەكسپو-نىڭ سەرىكتەسى بولۋى ءبىز ءۇشىن ۇلكەن ماقتانىش. ەندى بۇل كورمەگە قىزىعۋشىلار ساپىنا تەك بەلگىلى ءبىر سالانىڭ ماماندارى ەمەس, جاستار دا قوسىلادى دەپ سەنەمىن», – دەدى باس ديرەكتور.
سونىمەن قاتار, ريم ال-حاشەمي كورمەنىڭ شەڭبەرىن كەڭەيتۋ ماقساتىندا الداعى ۋاقىتتا مەسسي سىندى سپورتپەن قاتار, ونەردە, مادەنيەتتە جانە باسقا دا سالادا اتى شىققان ادامدار ەلشىلىككە تارتىلاتىنىن ايتتى.
ەلامان قوڭىر.
دەرەك: thenational.ae.
سۋرەت: facebook.com.