استانا. 23 تامىز. شۆەيتساريادا اۋەدەگى شوۋ كەزىندە ەكى ۇشاق سوقتىعىسىپ, اپاتتى جاعداي تىركەلدى. بۇل تۋرالى تاسس حابارلادى.
وقيعا اتالعان ەلدىڭ ديتتينگەن قالاسىندا بولدى. شوۋ كەزىندە Grasshoppers پيلوتتىق توبىنىڭ ۇشاقتارى اپاتقا ۇشىراعان. ءبىر ۇشقىش ارنايى قۇتقارۋ قۇرالى ارقىلى امان قالسا, ەكىنشىسىنىڭ جاعدايى بەلگىسىز. قازىرگى تاڭدا اپاتتىڭ سەبەپتەرى انىقتالۋدا.
ايتا كەتەيىك, كەشە ۇلىبريتانيادا دا وسىعان ۇقساس جاعداي تىركەلگەن ەدى. ەلدىڭ باتىس سۋسسەكس گرافتىعىندا بولعان Shoreham Airshow اۋە شوۋى كەزىندە ءبىر ۇشاق تاس جولدىڭ ۇستىنە قۇلاپ ءتۇستى. سالدارىنان 7 ادام قازا تاپتى. سونداي-اق, 15 ادام ءارتۇرلى دەڭگەيدە جاراقات السا, تاعى بىرەۋى اۋىر حالدە اۋرۋحاناعا جەتكىزىلدى. بۇل اپاتتان دا ۇشقىشتىڭ ءوزى امان قالعانىن اتاپ وتكەن ءجون.
ەلامان قوڭىر.
دەرەك: تاسس.
سۋرەت: twitter.com.