قازاقستاندا ءاربىر كامەلەتكە تولعان ازامات تەگىن جەر تەلىمىن الۋعا قۇقىلى. بۇل قۇقىق جەر كودەكسىنىڭ 50-بابىندا كورسەتىلگەن. الايدا ءىس جۇزىندە بۇل مۇمكىندىكتى پايدالانۋ وڭاي ەمەس: كەزەك جىلدارعا سوزىلادى, ال كەيبىر وڭىرلەردە بوس جەر مۇلدە از, دەپ جازادى Egemen.kz.
مەملەكەت جەردى ءۇش نەگىزگى ماقساتتا بەرەدى: جەكە تۇرعىن ءۇي قۇرىلىسىنا (10 سوتىققا دەيىن), جەكە قوسالقى شارۋاشىلىققا (سۋارىلمايتىن جەردە 25 سوتىققا دەيىن, سۋارىلاتىن جەردە 15 سوتىققا دەيىن) جانە باۋ-باقشا نەمەسە ساياجاي ءۇشىن (12 سوتىققا دەيىن). بۇل تەلىمدەردىڭ ايىرماشىلىعى تەك كولەمىندە ەمەس, پايدالانۋ مۇمكىندىگىندە دە. مىسالى, ءۇي سالىپ, تىركەلۋگە جانە كەيىن ساتۋ نەمەسە يپوتەكاعا قويۋعا بولادى. ال ساياجاي جەرلەرىندە تۇراقتى تىركەلۋ مۇمكىندىگى جوق.
ەكىباستۇزدا تسيفرلىق حاب قۇرىلادى: جەر ۋچاسكەلەرى انىقتالىپ, كەلىسىمدەر جاسالدى
ءوتىنىش بەرۋ پروتسەسى تولىقتاي ونلاين فورماتقا كوشكەن. ول ءۇشىن ەلەكتروندى تسيفرلىق قولتاڭبا قاجەت. جتق (جەكە تۇرعىن ءۇي قۇرىلىسى) ءۇشىن eGov پورتالى ارقىلى كەزەككە تۇرۋ جەتكىلىكتى. ال قوسالقى شارۋاشىلىق نەمەسە ساياجاي جەرىن الۋ ءۇشىن الدىمەن كاداستر كارتاسىنان بوس جەردى تاۋىپ, سودان كەيىن ءوتىنىش بەرۋ كەرەك.
جەر الۋ ءۇشىن بەلگىلى ءبىر وڭىردە تىركەلۋ مىندەتتى ەمەس. ازاماتتار كەز كەلگەن وبلىستا ءوتىنىش بەرىپ, بىرنەشە جەردە قاتار كەزەكتە تۇرا الادى. بىراق جەر تەلىمى تەك ءبىر رەت, كەزەك قاي جەردە تەز جەتسە, سول جەردەن بەرىلەدى.
كەزەك كۇتۋ ۋاقىتى وتە ۇزاق بولۋى مۇمكىن – كەيدە 5–6 جىلدان 10–15 جىلعا دەيىن سوزىلادى. اسىرەسە ءىرى قالالاردا, مىسالى الماتى مەن استانادا بوس جەردىڭ جەتىسپەۋى بايقالادى. سەبەبى زاڭ بويىنشا جەر بەرمەس بۇرىن مەملەكەت ونى ينفراقۇرىلىممەن قامتاماسىز ەتۋى ءتيىس.
ىلە الاتاۋىنىڭ تاۋ بوكتەرىندەگى جەر تەلىمى مەملەكەتكە قايتارىلدى
بۇل پروتسەستى دەلدالدار ارقىلى جەدەلدەتۋ مۇمكىن ەمەس, ويتكەنى بارلىق كەزەك ەلەكتروندى تۇردە جۇرگىزىلەدى. دەلدالدار تەك كەڭەس بەرۋ قىزمەتىن عانا كورسەتە الادى.
ءوتىنىشتىڭ مارتەبەسىن eGov پورتالىنان نەمەسە كاداستر جۇيەسىنەن تەكسەرۋگە بولادى. وندا كەزەكتەگى ورنى, ءوتىنىش كۇنى جانە قازىرگى جاعدايى كورسەتىلەدى.
جەر العاننان كەيىن ونى مىندەتتى تۇردە يگەرۋ قاجەت: ءۇي سالۋ نەمەسە ماقساتقا ساي پايدالانۋ كەرەك. العاشىندا جەر جالعا بەرىلەدى, ال مەنشىك قۇقىعى تەك قۇرىلىس اياقتالعان سوڭ راسىمدەلەدى. ادەتتە بۇل ءۇشىن شامامەن ءۇش جىل ۋاقىت بەرىلەدى. ەگەر جەر پايدالانىلماسا, مەملەكەت ونى كەرى قايتارىپ الا الادى.