پرەزيدەنت قاسىم-جومارت توقاەۆ انتاليا ديپلوماتيالىق فورۋمىنىڭ «Mapping Tomorrow, Managing Uncertainties» پانەلدىك سەسسياسىندا بىرىككەن ۇلتتار ۇيىمىن رەفورمالاۋ ماسەلەسىنە جاۋاپكەرشىلىكپەن قاراۋعا شاقىردى, دەپ حابارلايدى Egemen.kz.
مەملەكەت باسشىسى قاۋىپسىزدىك كەڭەسى تۇراقتى مۇشەلەرىنىڭ ۇستانىمىن ۇيىمداعى داعدارىستىڭ باستى سەبەپتەرىنىڭ ءبىرى رەتىندە اتادى.
– بىرىككەن ۇلتتار ۇيىمىن رەفورمالاۋ تۋرالى ايتقاندا, بارىنشا پراگماتيكالىق كوزقاراس ۇستانۋىمىز كەرەك دەپ سانايمىن. ايتپەسە, الداعى ۋاقىتتا دا جولايرىق, ستراتەگيالىق قۇندىلىقتار مەن باسقا ماسەلەلەر جايىندا ايتا بەرەمىز. ءبىز جاھاندىق, وڭىرلىك كەزدەسۋلەر, كونفەرەنتسيالار مەن ءتۇرلى جيىندار وتكىزەمىز. قازاقستان جانە تۇركيا سياقتى ورتا دەرجاۆالاردىڭ ماڭىزى مەن وڭ ىقپالىن اتاپ وتكىم كەلەدى. ارينە, الەمدە بىزگە ەشكىم تەڭ كەلمەيدى دەپ ماقتانۋدان اۋلاقپىن. بىراق جاھاندىق ۇدەرىستەردە جوعارى دەڭگەيدە جاۋاپكەرشىلىك تانىتىپ ءجۇرمىز. مۇنى ديپلوماتيالىق ءىس-ارەكەتىمىز كورسەتىپ وتىر. سوندىقتان جاھاندىق ماسەلەلەردىڭ شەشىمىنە ءجيى قارسى كەلەتىن قاۋىپسىزدىك كەڭەسىندەگى ءىرى دەرجاۆالاردان گورى ورتا دەرجاۆالاردىڭ جاۋاپكەرشىلىگى جوعارى دەسەك, ارتىق بولمايدى, – دەدى ول. مەملەكەت باسشىسى انتاليا ديپلوماتيالىق فورۋمىنىڭ پانەلدىك سەسسياسىنا قاتىستىكەلەسى سۇراقتى قويار الدىندا مەۆليۋت چاۆۋشوعلى قاسىم-جومارت توقاەۆتىڭ ديپلوماتياداعى تاجىريبەسىنىڭ مول ەكەنىنە نازار اۋداردى.
– پرەزيدەنت توقاەۆ – حالىقارالىق جۇيەنى, سونىڭ ىشىندە بىرىككەن ۇلتتار ۇيىمىن وتە جاقسى بىلەتىن الەمدىك كوشباسشىلاردىڭ ءبىرى. ول بۇۇ باس حاتشىسىنىڭ ورىنباسارى لاۋازىمىندا قىزمەت ەتكەنىن بىلەسىزدەر. سول ۋاقىتتا مەن ەۋروپا كەڭەسى پارلامەنتتىك اسسامبلەياسىنىڭ توراعاسى بولدىم. قاسىم-جومارت توقاەۆ باۋىرلاس قازاقستان حالقىنىڭ يگىلىگى جولىندا ايانباي ەڭبەك ەتە ءجۇرىپ, حالىقارالىق جۇيەنىڭ تيىمدىلىگىن بارىنشا ارتتىرۋعا ۇلەس قوسىپ كەلەدى, – دەدى مودەراتور. انتاليا فورۋمى: پرەزيدەنت پانەلدىك سەسسياعا قاتىسۋ ءۇشىن NEST كونگرەسس ورتالىعىنا باردى