قازاقستان اۆياتسيالىق قاۋىپسىزدىك دەڭگەيى بويىنشا الەمنىڭ ۇزدىك 20 ەلىنىڭ قاتارىنا كىردى. بۇل تۋرالى ازاماتتىق اۆياتسيا كوميتەتىنىڭ ءتورايىمى سالتانات تومپيەۆا حالىقارالىق ازاماتتىق اۆياتسيا ۇيىمى كەڭەسىنىڭ پرەزيدەنتى توشيۋكي ونۋمامەن كەزدەسۋ بارىسىندا مالىمدەدى, دەپ حابارلايدى Egemen.kz.
مالىمەتكە سايكەس, اۆياتسيالىق قاۋىپسىزدىك كورسەتكىشى 62 پايىزدان 95,7 پايىزعا دەيىن ارتقان. بۇل قازاقستاننىڭ جاھاندىق رەيتينگتە ۇزدىك 20 ەل قاتارىنا ەنۋىنە مۇمكىندىك بەرگەن.
SCAT اۋە پاركى ەكى جاڭا ۇشاقپەن تولىقتى: قاي قالالارعا ۇشۋ جيىلىگى ارتادى؟
سونداي-اق 2025 جىلى ەلدەگى جولاۋشىلار اعىنى پاندەمياعا دەيىنگى كەزەڭمەن سالىستىرعاندا 80 پايىزعا وسكەنى ايتىلدى. ۇشۋ قاۋىپسىزدىگى بويىنشا كورسەتكىش 2009 جىلعى 47 پايىزدان 2025 جىلى 82 پايىزعا دەيىن جەتىپ, الەمدىك ورتاشا دەڭگەيدەن (69,3%) جانە ەۋروپالىق كورسەتكىشتەن (76%) جوعارى ناتيجە كورسەتتى.
ۇشقىشسىز ۇشۋ اپپاراتتارى قۇتقارۋشىلاردىڭ جۇمىسىن قالاي جەڭىلدەتتى؟
ۆەدومستۆو وكىلىنىڭ ايتۋىنشا, ماڭىزدى قادامداردىڭ ءبىرى قازاقستاننىڭ چيكاگو كونۆەنتسياسى باپتارىنا ەنگىزىلگەن تۇزەتۋلەردى راتيفيكاتسيالاۋى بولدى. بۇل شەشىم حالىقارالىق ازاماتتىق اۆياتسيا ۇيىمى (يكاو) كەڭەسىنە قازاقستاننىڭ كانديداتۋراسىن ۇسىنۋعا جانە ۇيىمنىڭ باسقارۋ ورگاندارىنىڭ قۇرامىن كەڭەيتۋگە مۇمكىندىك بەرەدى.
نۇربولات امانبەك