قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ جۇمىس بابىنداعى ساپارمەن نيۋ-يورككە كەلدى, ول مۇندا بۇۇ باس حاتشىسى پان گي مۋنمەن جانە بىرىككەن ۇلتتار ۇيىمىنىڭ بىرقاتار جوعارى لاۋازىمدى ادامدارىمەن كەزدەسەدى, دەپ حابارلادى پارلامەنت سەناتىنىڭ ءباسپاسوز قىزمەتى.
سەنات توراعاسى, الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ باسشىسى ق.توقاەۆ بۇۇ-دا وسى فورۋمنىڭ تانىستىرىلىمىندا ءسوز سويلەيدى. بەسىنشى ءدىني سامميت بيىلعى 10-11 ماۋسىمدا استانادا وتەدى جانە ول ءدىني كوشباسشىلار مەن ساياسي قايراتكەرلەردىڭ بەيبىتشىلىك, دامۋ جانە قاۋىپسىزدىك جولىنداعى ۇنقاتىسۋىنا ارنالادى.
ق.توقاەۆ ساپارىنىڭ باعدارلاماسىندا ءىرى قورلاردىڭ باسشىلارى – ازيا قوعامىنىڭ پرەزيدەنتى دج.شيرانمەن, «ەۋرازيا» توبىنىڭ پرەزيدەنتى يا.برەممەرمەن, ءوركەنيەتتەر اليانسىنىڭ جوعارى وكىلى ن.ان-ناسەرمەن, «بەيبىتشىلىك جولىنداعى ءدىن» كونفەرەنتسياسىنىڭ باس حاتشىسى ۋ.ۆەندليمەن جانە نيۋ-يورك ءدىني قاۋىمداستىعىنىڭ وكىلدەرىمەن كەزدەسۋلەر بار.