وتاندىق تۇتۋشىلاردىڭ باسىم بولىگى ساۋدا ورىندارىندا الدانعان. بۇل تۋرالى تۇتىنۋشىلاردىڭ قۇقىقتارىن قورعاۋ كوميتەتىنىڭ توراعاسى بولات تانابەرگەنوۆ مالىمدەدى, دەپ حابارلايدى Egemen.kz
ۆەدومستۆو مالىمەتىنشە, شاعىمداردىڭ شامامەن 40 پايىزى بولشەك ساۋداعا قاتىستى. ال ەلەكتروندى ساۋداعا بايلانىستى وتىنىشتەر 18 پايىزدى قۇرايدى.
كوميتەت باسشىسى ازاماتتار تاراپىنان كوبىنە الداۋ فاكتىلەرى بويىنشا شاعىمدار تۇسەتىنىن اتاپ ءوتتى. تۇرعىندار جيھاز جاساۋ, پاتەر جوندەۋ قىزمەتتەرىن تۇتىنۋ كەزىندە دە ءجيى الدانعان. ونىڭ سوزىنشە, مۇنداي داۋلار كوبىنە الدىن الا كەلىسىمشارت جاسالماي, تانىستار ارقىلى جاسالعان جۇمىستار كەزىندە تۋىندايدى.
«مىندەتتى تۇردە مەردىگەردىڭ زاڭدى تۇلعا نەمەسە جەكە كاسىپكەر ەكەنىن تەكسەرۋ قاجەت. شەبەرحاناسى نەمەسە كەڭسەسى بار-جوعىن انىقتاپ العان دۇرىس. ەڭ باستىسى – كەلىسىمشارت جاساسۋ كەرەك. كەلىسىمشارت بولعان جاعدايدا كوميتەت تەكسەرىس جۇرگىزىپ, اكىمشىلىك شارا قولدانا الادى», دەدى بولات تانابەرگەنوۆ.
الماتىدا زاڭسىز ساۋدا نىساندارى جاپپاي ءسۇرىلىپ جاتىر
ەسكە سالا كەتەيىك, بۇعان دەيىن كوميتەت باسشىسى ساتىپ الۋشىلارعا QR ارقىلى شاعىمدانۋعا بولاتىن پيلوتتىق جوبا ازىرلەنىپ جاتقاندىعىن ايتقان بولاتىن.
كەلۋشى مەيرامحاناداعى ءدامسىز ءارى شيكى تاعامنىڭ اقىسىن تولەۋدەن باس تارتا الا ما؟