استانا قالاسىندا ءتارتىپ ساقشىسىن الداعان ەكى پرانكەر اكىمشىلىك جاۋاپقا تارتىلدى. ولاردىڭ ءبىرى 10, ەكىنشىسى 15 تاۋلىككە قامالدى, دەپ جازادى Egemen.kz.
بەينەجازبادا بەلگىلى بولعانداي, قايىق ارناسىنىڭ جاعاسىندا قىز بالا پوليتسيا قىزمەتكەرىنە سۋعا الدەكىمنىڭ باتىپ جاتقانىن ايتىپ, قۇتقارۋىن وتىنگەن. وسىلايشا, ولار قۇقىق قورعاۋ ورگاندارى قىزمەتكەرىنىڭ دايىندىعىن تەكسەرمەك بولعان.
پوليتسيا قىزمەتكەرى سۋعا كيىمىمەن سەكىرىپ, «باتىپ جاتقان» ادامدى قۇتقارىپ, جاعاعا سۇيرەپ شىعارعان. جيەككە شىققان سوڭ, ءوزىنىڭ الدانعانىن بىلگەن.
نارتاي ارالباي ۇلى: پرانك جاسايمىن دەپ قوعامدىق ءتارتىپتى بۇزاتىندار كوبەيىپ كەتتى
ءتارتىپ ساقشىسى ارنايى كۇزەت قىزمەتىندە جۇمىس ىستەيدى. قۇزىرلى مەكەمە ونىڭ اتى-ءجونىن جاريالامادى.
پوليتسيا مۇنداي ارەكەتكە جول بەرىلمەيتىنىن, قوعامدىق ءتارتىپتى بۇزۋعا جاتاتىنىن ەسكەرتتى.
«اۆتور جانە كورىنىسكە قاتىسۋشى ۇساق بۇزاقىلىق جاساعانى ءۇشىن اكىمشىلىك جاۋاپقا تارتىلدى. سوت شەشىمىمەن ولار 15 جانە 10 تاۋلىككە قامالدى», دەپ حابارلادى قالا پوليتسياسى.
استانا پوليتسياسى ازاماتتاردى قوعام ءتارتىبىن, سۋ قويمالارىندا قاۋىپسىزدىك ەرەجەلەرىن ساقتاۋعا كەڭەس بەردى.
اتىراۋدا پرانك جاساماق بولعان ءۇش جىگىتكە ايىپپۇل سالىندى