قازاقستاندا QR-كود ارقىلى ساتۋشىلارعا شاعىم جولداۋعا مۇمكىندىك بەرەتىن پيلوتتىق جوبا ەنگىزىلەدى. بۇل تۋرالى تۇتىنۋشىلاردىڭ قۇقىقتارىن قورعاۋ كوميتەتىنىڭ توراعاسى بولات تانابەرگەنوۆ مالىمدەدى, دەپ حابارلايدى Egemen.kz.
كوميتەت توراعاسىنىڭ ايتۋىنشا, بۇعان دەيىن شاعىمدى العاش رەت ەلەمەگەن كاسىپكەرلەرگە ەسكەرتۋ عانا جاسالسا, ەندى مۇنداي قۇقىقبۇزۋشىلىق ءۇشىن بىردەن ايىپپۇل سالىنادى.
ء «اربىر ساتۋشىنىڭ ساۋدا ورنىندا QR-كودى بولۋى كەرەك. ەگەر چەككە قاتىستى سۇراقتار تۋىنداسا, ساتىپ الۋشى سول كود ارقىلى مەملەكەتتىك كىرىستەر دەپارتامەنتىنە شاعىم جىبەرە الادى. ءبىز وسى QR-كود ارقىلى تۇتىنۋشى ساتۋشىنىڭ وزىنە تىكەلەي شاعىم جولداي الاتىنداي جۇيە ەنگىزۋدى جوسپارلاپ وتىرمىز. كوپ جاعدايدا بۋتيكتەردە ساتۋشىلار جۇمىس ىستەيدى, ال بۋتيك يەسى تاۋار ساتۋ كەزىندە قانداي زاڭبۇزۋشىلىقتار بولىپ جاتقانىن بىلمەۋى مۇمكىن», دەگەن بولات تانابەرگەنوۆ پيلوتتىق جوبا تولىق دايىن بولعان كەزدە رەسمي تۇردە تانىستىرىلاتىنىن ايتتى.
الماتىدا زاڭسىز ساۋدا نىساندارى جاپپاي ءسۇرىلىپ جاتىر
ەسكە سالا كەتەيىك, بۇعان دەيىن ەلىمىزدە دونورلىق پروتسەدۋرالاردى باقىلاۋعا ارنالعان QR جۇيەسى ەنگىزىلگەن بولاتىن.