پارلامەنت «قازاقستان رەسپۋبليكاسى استاناسىنىڭ مارتەبەسى تۋرالى» كونستيتۋتسيالىق زاڭدى ەكىنشى وقىلىمدا قابىلدادى. قۇجات ەلوردانىڭ قۇقىقتىق مارتەبەسىن بەكىتىپ, مەملەكەتتىك باسقارۋدى جەتىلدىرۋگە جانە جايلى, قاۋىپسىز ورتا جاساۋعا باعىتتالعان, دەپ حابارلايدى Egemen.kz.
زاڭدا استانانىڭ رەسپۋبليكانىڭ ساياسي, اكىمشىلىك, مادەني جانە ەكونوميكالىق ورتالىعى رەتىندەگى ءرولىن نىعايتۋ, ينفراقۇرىلىمدىق جانە الەۋمەتتىك-ەكونوميكالىق دامۋىن كۇشەيتۋ, سونداي-اق حالىقارالىق دەڭگەيدەگى ورتالىق رەتىندەگى الەۋەتىن ارتتىرۋ كوزدەلگەن.
قۇجاتقا سايكەس, ەلوردا ءماسليحاتى مەن اكىمدىگىنىڭ وكىلەتتىكتەرى ناقتى ايقىندالدى. ءماسليحات شەتەلدىك جەرگىلىكتى وكىلدى ورگاندارمەن بايلانىس ورناتۋ, قالا قۇرىلىسى قۇجاتتارىن بەكىتۋ جانە جەر تەلىمدەرىن يەلىكتەن شىعارۋ سياقتى ماسەلەلەردى قارايدى.
ال اكىمدىككە قالا قۇرىلىسى جوبالارىن باقىلاۋ, اپاتتىق تۇرعىن ۇيلەردى بۇزۋدى ۇيىمداستىرۋ, قالانىڭ ارحيتەكتۋرالىق كەلبەتىن قالىپتاستىرۋ جانە جول قوزعالىسىن ۇيىمداستىرۋ سحەمالارىن ازىرلەۋ سياقتى مىندەتتەر جۇكتەلەدى.
سونىمەن قاتار, قالا اۋماعى مەن قالا ماڭى ايماعىن دامىتۋ, ينفراقۇرىلىمدى جەتىلدىرۋ جانە ورماندى-ساياباق ايماقتارىنىڭ ەكولوگيالىق مارتەبەسىن ايقىنداۋ ءتارتىبى دە زاڭمەن رەتتەلەدى.
سونداي-اق, پارلامەنت پالاتالارىنىڭ بىرلەسكەن وتىرىسىندا «پرەزيدەنت تۋرالى» كونستيتۋتسيالىق زاڭ قابىلدانىپ, قۇرىلتايدىڭ وكىلەتتىگى مەن دەپۋتات مارتەبەسى زاڭمەن بەكىتىلدى.