قىتايدىڭ تانىمال Hunan Broadcasting System كورپوراتسياسى مەن ديماش قۇدايبەرگەننىڭ بىرلەسكەن باستاماسى «Voice Beyond Horizon» تەلەجوباسى 2 ميللياردتان استام قارالىم جينادى, دەپ حابارلايدى Egemen.kz.
تەلەجوبا مۋزىكالىق شوۋ مەن رەاليتي-ساياحات فورماتىندا ءتۇسىرىلدى. وعان قىتاي, قازاقستان, قىرعىزستان, يتاليا, مالايزيا جانە سەربيادان كەلگەن 8 ورىنداۋشى قاتىستى. ءتۇسىرىلىم استانا, الماتى قالالارىندا جانە تۇركىستان, ماڭعىستاۋ, الماتى, اقمولا وبلىستارىندا ءوتتى. كورەرمەندەر كونە تۇركىستان, بوزجىرا شاتقالى مەن كاسپي تەڭىزىنىڭ جاعالاۋى, قايىڭدى مەن كوبەيتۇز كولدەرى, بۋراباي ۇلتتىق تابيعي پاركى سياقتى ەلىمىزدىڭ تانىمال تۋريستىك ورىندارىن تاماشالادى.
قازاقستان اتىنان قاتىسقان نۇرجاس سادىرباي جوبانىڭ جەڭىمپازى اتاندى. باعدارلاما قىتايدا Hunan TV تەلەارناسى مەن Mango TV تسيفرلىق پلاتفورماسىندا, سونداي-اق «Qazaqstan» تەلەارناسىندا كورسەتىلدى.
ەفير كورسەتىلىمى ينتەرنەتتەگى ءارتۇرلى پلاتفورماداعى جالپى قارالىم سانى 2,36 ميللياردقا جەتسە, Mango TV-دا 700 ميلليوننان اسقان.
اتالعان جوبا تانىستىرىلىمى بىلتىر كۇزدە وتكەن بولاتىن. ەسكە سالا كەتەيىك, بۇعان دەيىن ارگەنتينادا مەكتەپتەگى مۋزىكا كابينەتىنە ديماش قۇدايبەرگەننىڭ ەسىمى بەرىلگەندىگىن جازعان ەدىك.