OpenAI كومپانياسى ChatGPT پلاتفورماسىندا جەكە قارجىعا ارنالعان جاڭا ءبولىمدى تەستىلەۋدى باستادى. اقش-تاعى ChatGPT Pro قولدانۋشىلارى ەندى بانك, نەسيە, بروكەرلىك جانە وزگە دە قارجىلىق شوتتارىن جۇيەگە بايلانىستىرىپ, شىعىندارى مەن ينۆەستيتسيالارىن ءبىر جەردەن باقىلاي الادى, دەپ جازادى Egemen.kz.
جاڭا مۇمكىندىك ازىرگە اقش-تاعى قولدانۋشىلاردىڭ ءبىر بولىگىنە عانا ۆەب-نۇسقا مەن iOS جۇيەسىندە قولجەتىمدى. پلاتفورما ارقىلى پايدالانۋشىلار شىعىندار, جازىلىمدار, قارىزدار مەن جيناقتار بويىنشا ورتاق پانەلدى كورىپ, ءوز قارجىسىنا قاتىستى سۇراقتاردى ناقتى دەرەكتەر نەگىزىندە قويا الادى.
فلوريدا تۇرعىنى ChatGPT-ءدىڭ كومەگىمەن ءۇيىن 5 كۇندە ساتقان
ChatGPT شىعىنداردى ساناتتارعا ءبولىپ تالداپ, تۇراقتى تولەمدەر مەن جازىلىمداردى انىقتايدى. سونداي-اق كاپيتال وزگەرىسىنىڭ ديناميكاسىن كورسەتىپ, بيۋدجەت جوسپارلاۋعا, اقشا جيناۋعا, قارىزدى وتەۋگە جانە ءىرى ساتىپ الۋلاردى ەسەپتەۋگە كومەكتەسەدى.
60 جىلدىق جۇمباق: 23 جاستاعى جىگىت ChatGPT كومەگىمەن كۇردەلى ەسەپتىڭ شەشىمىن تاپتى
BILD باسىلىمىنىڭ جازۋىنشا, OpenAI قاۋىپسىزدىك تالاپتارىنا ەرەكشە ءمان بەرىپ وتىر. ChatGPT ارقىلى اقشا اۋدارۋ, شوت تولەۋ, اككاۋنت باپتاۋلارىن وزگەرتۋ نەمەسە قارجىلىق مامىلە جاساۋ مۇمكىن بولمايدى. سونىمەن قاتار جۇيە پايدالانۋشىلاردىڭ بانك شوتتارىنىڭ تولىق ءنومىرىن كورمەيدى.
ەسكە سالايىق, ءجي دىني سۇراقتارعا دا جاۋاپ بەرەدى.