پارلامەنت ەكىنشى وقىلىمدا «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» كونستيتۋتسيالىق زاڭدى قابىلدادى, دەپ حابارلايدى Egemen.kz.
قۇجاتتا قازاقستان اۋماعىنداعى اكىمشىلىك-اۋماقتىق بىرلىكتەردىڭ – وبلىستار, اۋداندار, قالالار, اۋىلدار جانە وزگە دە ەلدى مەكەندەردىڭ مارتەبەسى ايقىندالعان. سونىمەن قاتار ولاردى قۇرۋ, قايتا ۇيىمداستىرۋ جانە تاراتۋ ءتارتىبى رەتتەلىپ, ءتيىستى مەملەكەتتىك ورگانداردىڭ وكىلەتتىكتەرى بەلگىلەنگەن.
زاڭدا اكىمشىلىك-اۋماقتىق وزگەرىستەردى قاراۋدىڭ ناقتى قۇقىقتىق كريتەريلەرى ەنگىزىلىپ, شەشىمدەر الەۋمەتتىك-ەكونوميكالىق دامۋ كورسەتكىشتەرىنە نەگىزدەلە وتىرىپ قابىلداناتىنى كوزدەلەدى.
بۇدان بولەك, تسيفرلاندىرۋ تالاپتارىنا سايكەس اكىمشىلىك-اۋماقتىق بىرلىكتەردى جانە ولاردىڭ شەكارالارىن «مەكەنجاي تىركەلىمى» جۇيەسىندە ەسەپكە الۋ جانە تىركەۋ ءتارتىبى بەكىتىلەدى.
سونداي-اق ەلدى مەكەندەردىڭ شەكارالارىن بەلگىلەۋ مەن وزگەرتۋ باس جوسپارلار مەن دامۋ سحەمالارى نەگىزىندە جۇزەگە اسىرىلىپ, قالا قۇرىلىسى مەن اۋماقتىق جوسپارلاۋ اراسىنداعى بايلانىس كۇشەيتىلەدى.
سونداي-اق, پارلامەنت پالاتالارىنىڭ بىرلەسكەن وتىرىسىندا پرەزيدەنت پەن قۇرىلتاي وكىلەتتىلىكتەرى تۋرالى كونستيتۋتسيالىق زاڭدار قابىلدانىپ, ەلوردا مارتەبەسى زاڭمەن بەكىتىلدى.