ۇلىتاۋ وبلىسى قاراجال قالاسىندا جەكە تۇرعىن ۇيدە ءورت شىعىپ, ءبىر ادام زارداپ شەكتى. توتەنشە جاعدايلار مينيسترلىگىنىڭ قىزمەتكەرلەرى ەر ادامدى جانىپ جاتقان ۇيدەن الىپ شىعىپ, ۇلكەن جارىلىستىڭ الدىن الدى, دەپ حابارلايدى Egemen.kz.
وقيعا قاراجال قالاسىنداعى شايحين كوشەسىنىڭ بويىندا ورنالاسقان جەكە تۇرعىن ۇيدە بولعان. قۇتقارۋشىلاردىڭ جەدەل ارەكەتىنىڭ ناتيجەسىندە ورتەنىپ جاتقان ۇيدەن 1971 جىلى تۋعان ەر ادام قۇتقارىلدى.
«قۇتقارۋشىلار ەر ادامدى سىرتقا شىعاردى. ول تۇتىنگە ۋلانۋ دياگنوزىمەن اۋرۋحاناعا جاتقىزىلدى», دەپ حابارلادى ۆەدومستۆودان.
سونىمەن قاتار تجم قىزمەتكەرلەرى ءۇي ىشىنەن سىيىمدىلىعى 27 ليترلىك 6 گاز باللونىن سىرتقا شىعارىپ ۇلگەرگەن. وسىلايشا, قۇتقارۋشىلار ىقتيمال جارىلىستىڭ جانە ودان دا اۋىر زارداپتاردىڭ الدىن الدى.
اقتوبە اكىمدىگىندەگى ءىرى ءورت: شىعىن كولەمى جاريالاندى
ءتىلسىز جاۋ 10 شارشى مەتر اۋماقتا تولىق اۋىزدىقتالدى. قازىرگى ۋاقىتتا ءورتتىڭ شىعۋ سەبەبى انىقتالىپ جاتىر.
بۇعان دەيىن «قازتسينك» اۋماعىنداعى جارىلىس سالدارىنان ءتورت زارداپ شەگۋشى اۋرۋحاناعا جەتكىزىلگەنىن حابارلاعان ەدىك.