9 ساۋىردە قازاقستان اۋماعىنىڭ باسىم بولىگىندە نايزاعاي ويناپ, جاڭبىر جاۋادى, دەپ حابارلايدى Egemen.kz.
سينوپتيكتەردىڭ مالىمەتىنشە, ەل اۋماعى ارقىلى وتەتىن اتموسفەرالىق فرونتالدى جۇيەلەردىڭ اسەرىنەن تۇراقسىز اۋا رايى ساقتالادى. اسىرەسە سولتۇستىك وڭىرلەردە, سونداي-اق تۇنگى ۋاقىتتا باتىس پەن سولتۇستىك-باتىستا كەي جەرلەردە قاتتى جاڭبىر جاۋى مۇمكىن. سولتۇستىك-باتىس ايماقتاردا جاڭبىر سوڭى قارعا ۇلاسۋى ىقتيمال.
ال قازاقستاننىڭ شىعىسىندا انتيتسيكلون جوتاسىنىڭ ىقپالى بايقالىپ, بۇل وڭىردە جاۋىن-شاشىنسىز اۋا رايى ساقتالادى.
قازاقستاندا اۋا رايى كۇرت قۇبىلادى
جالپى رەسپۋبليكا بويىنشا بىرقاتار قولايسىز مەتەوقۇبىلىستار كۇتىلەدى. اتاپ ايتقاندا, تۇمان ءتۇسىپ, جەل كۇشەيەدى, وڭتۇستىك وڭىرلەردە داۋىل تۇرىپ, وڭتۇستىك-شىعىستا بۇرشاق جاۋى ىقتيمال.
سونىمەن قاتار بىرقاتار ايماقتاردا جوعارى ءورت قاۋپى ساقتالادى. اتاپ ايتقاندا, قىزىلوردا وبلىسىنىڭ شىعىسىندا, تۇركىستان وبلىسىنىڭ باتىسى مەن سولتۇستىگىندە, جامبىل وبلىسىنىڭ سولتۇستىك-باتىسى مەن باتىسىندا, الماتى جانە جەتىسۋ وبلىستارىنىڭ جەكەلەگەن بولىكتەرىندە, قاراعاندى وبلىسىنىڭ باتىسى مەن وڭتۇستىگىندە, سونداي-اق اباي وبلىسىنىڭ وڭتۇستىگىندە ءورت قاۋپى جوعارى دەڭگەيدە بولادى.
بۇعان دەيىن سينوپتيكتەر الداعى كۇندەرى كۇننىڭ سۋىتاتىنىن دا ەسكەرتكەن ەدى.
ەسكە سالا كەتەيىك, كەشە ەلىمىزدىڭ باسىم بولىگىندە اۋا رايىنا بايلانىستى ەسكەرتۋ جاريالانعان ەدى.