وزبەكستانعا رەسمي ساپارمەن بارعان سىرتقى ىستەر ءمينيسترى ەرمەك كوشەرباەۆتى وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ قابىلدادى.
كەزدەسۋدە ش.ميرزيوەۆ ەكى مەملەكەت اراسىنداعى كوپقىرلى ىنتىماقتاستىقتىڭ وڭ سەرپىنمەن دامىپ كەلە جاتقانىن ەرەكشە اتاپ ءوتىپ, قازاقستان مەن وزبەكستان اراسىنداعى وداقتاستىق قاتىناستاردى ودان ءارى تەرەڭدەتۋدىڭ ماڭىزدىلىعىنا توقتالدى.
ءوز كەزەگىندە ە.كوشەرباەۆ پرەزيدەنت قاسىم-جومارت توقاەۆتىڭ اتىنان جىلى لەبىزى مەن ىزگى تىلەكتەرىن جەتكىزىپ, جوعارى جانە بيىك دەڭگەيلەردە قول جەتكىزىلگەن ۋاعدالاستىقتاردى ىسكە اسىرۋ بارىسى تۋرالى باياندادى.
«بۇگىندە قازاق-وزبەك قاتىناستارى حالىقارالىق ارەناداعى سەنىمدى ءارى ۇزاق مەرزىمدى ىنتىماقتاستىقتىڭ ايقىن ۇلگىسى بولىپ تابىلادى. بۇعان, ەڭ الدىمەن, جوعارى دەڭگەيدەگى تۇراقتى ءارى سەنىمدى ساياسي ديالوگ ىقپال ەتىپ كەلەدى», دەدى ە.كوشەرباەۆ.
كەزدەسۋ بارىسىندا وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى دە تالقىلاندى.
قازاقستان مەن وزبەكستاننىڭ كوپجاقتى قۇرىلىمدار اياسىنداعى ءوزارا ءىس-قيمىلىنىڭ جوعارى دەڭگەيى, سونداي-اق وڭىرلىك كووپەراتسيانى ودان ءارى دامىتۋدىڭ, ورتالىق ازياداعى بەيبىتشىلىك پەن تۇراقتىلىقتى نىعايتۋ جونىندەگى بىرلەسكەن كۇش-جىگەردىڭ ماڭىزدىلىعى اتاپ ءوتىلدى.