بۇل تۋرالى مەملەكەت باسشىسى قاسىم-جومارت توقاەۆ تۇركىستان وبلىسى جۇرتشىلىعىمەن كەزدەسۋ بارىسىندا ايتتى, دەپ حابارلايدى Egemen.kz.
قاسىم-جومارت توقاەۆ قازاقستاندا جۇزەگە اسقان كونستيتۋتسيالىق رەفورمانىڭ تاريحي ماڭىزىن اتاپ ءوتىپ, جالپىحالىقتىق رەفەرەندۋم ناتيجەسىندە ەل قولداۋىنا يە بولعان حالىق كونستيتۋتسياسى قابىلدانعانىن ايتتى.
«قازىر قازاقستاندا تۇبەگەيلى وزگەرىستەر كەزەڭى باستالدى. ونى بارشاڭىز جاقسى بىلەسىزدەر. ءبارىمىز ءبىر ەل بولىپ كونستيتۋتسيالىق رەفورمانى تابىستى جۇزەگە اسىردىق. بۇل رەفورمانىڭ تاريحي ءمان-ماعىناسى ەرەكشە. ونىڭ ەل دامۋىنا تيگىزەتىن ىقپالى اسا كۇشتى بولارىنا كۇمان جوق. سوعان بايلانىستى شەت ەلدەردىڭ باسشىلارى, ساياساتكەرلەر جانە ساراپشىلار ءبىزدىڭ كونستيتۋتسيالىق رەفورماعا اسا زور ىقىلاسپەن قاراپ وتىردى. ولار قازاقستان كونستيتۋتسيالىق رەفورماعا جاڭاشا كوزقاراسپەن قاراپ, كەڭ اۋقىمدى وزگەرىستەر جاساعانىن, ەلىمىز كونستيتۋتسيانىڭ ءمان-مازمۇنىن وزگەرتىپ, مۇلدە جاڭا تۇرپاتتى ەل بولعانىن ايتىپ جاتىر», دەدى پرەزيدەنت.
ەل پرەزيدەنتىنىڭ ايتۋىنشا, جالپىحالىقتىق رەفەرەندۋمدا ازاماتتارىمىز ەلىمىزدىڭ جارقىن بولاشاعى ءۇشىن, ياعني, جاس ۇرپاقتارىمىز ءۇشىن تاريحي تاڭداۋىن جاسادى. ەل قولداۋىنا يە بولعان ناعىز حالىق كونستيتۋتسياسى تۇعىرىنا قوندى.
مەملەكەت باسشىسى ەل ازاماتتارىن ناۋرىز مەيرامىمەن قۇتتىقتادى
«كونستيتۋتسيا – مەملەكەتىمىزدىڭ بولاشاعىنا باعدار بولاتىن, ۇلتتىق ماقسات-مۇراتىمىزدى ايقىندايتىن اسا ماڭىزدى قۇجات, تەمىرقازىق. مۇنى دا اقيقات رەتىندە بۇكىل دۇنيە جۇزىندەگى قاۋىمداستىق مويىنداپ جاتىر», دەدى ق.توقاەۆ.
پرەزيدەنت تۇركىستان وبلىسىنىڭ دامۋ قارقىنىن جوعارى باعالادى