قازاقستان مەن رەسەي الداعى ۋاقىتتا التى بىرلەسكەن مەكتەپ سالۋ ماسەلەسىن پىسىقتاپ جاتىر. بۇل تۋرالى رەسەي سىرتقى ىستەر ءمينيسترى سەرگەي لاۆروۆ قازاقستان سىرتقى ىستەر ءمينيسترى ەرمەك كوشەرباەۆپەن وتكەن كەلىسسوزدەر قورىتىندىسى بويىنشا بريفينگتە مالىمدەدى, دەپ حابارلايدى Egemen.kz.
سەرگەي لاۆروۆتىڭ ايتۋىنشا, ءبىلىم سالاسىنداعى ىنتىماقتاستىق ەكىجاقتى قاتىناستاردىڭ ماڭىزدى باسىمدىقتارىنىڭ ءبىرى بولىپ قالا بەرەدى.
ونىڭ سوزىنشە, وتكەن جىلى رەسەيدە ءال-فارابي اتىنداعى قازاق ۇلتتىق ۋنيۆەرسيتەتىنىڭ فيليالى جۇمىسىن باستاعان. ال قازاقستاندا سەگىز رەسەيلىك جوعارى وقۋ ورنىنىڭ بولىمشەلەرى جۇمىس ىستەپ جاتىر.
«كۇن تارتىبىندەگى نەگىزگى ماسەلەلەردىڭ ءبىرى – التى بىرلەسكەن مەكتەپ سالۋ. ونىڭ ۇشەۋى رەسەي اۋماعىندا, ۇشەۋى قازاقستاندا بوي كوتەرەدى», دەدى سەرگەي لاۆروۆ.
ارگەنتينادا مەكتەپتەگى مۋزىكا كابينەتىنە ديماش قۇدايبەرگەننىڭ ەسىمى بەرىلدى
سونداي-اق رەسەي ءسىم باسشىسى قازاقستان تارابىنا مەملەكەت باسشىسى قاسىم-جومارت توقاەۆتىڭ باستاماسىمەن قۇرىلعان ورىس ءتىلى جونىندەگى حالىقارالىق ۇيىمدى قۇرۋعا قوسقان ۇلەسى ءۇشىن العىس ايتتى. ۇيىمنىڭ حاتشىلىعى 1 ساۋىردەن باستاپ سوچي قالاسىنداعى «سيريۋس» ءبىلىم بەرۋ ورتالىعىندا جۇمىسىن باستاعان.
14 وڭىردە Tomorrow School مەكتەپتەرىنىڭ جەلىسى اشىلدى
ايتا كەتەيىك, بۇعان دەيىن استانا مەن الماتىدا تالانتتى بالالاردى قولداۋ جونىندەگى رەسەيلىك «سيريۋس» مەكتەبىنىڭ فيليالدارىن اشۋ جوسپارلانىپ وتىرعانى حابارلانعان بولاتىن.
نۇربولات امانبەك