Halyk Finance ساراپشىلارىنىڭ بولجامىنشا, 2026 جىلدىڭ سوڭىنا قاراي دوللار باعامى 540 تەڭگەگە جەتۋى مۇمكىن, دەپ حابارلايدى Egemen.kz.
ساراپشىلاردىڭ مالىمەتىنشە, بيىل تەڭگەنىڭ ۋاقىتشا نىعايۋىنا بىرقاتار فاكتور اسەر ەتكەن. اتاپ ايتقاندا, جوعارى بازالىق مولشەرلەمە, بىرىڭعاي جيناقتاۋشى زەينەتاقى قورى (بجزق) ءۇشىن ۆاليۋتانى ساتىپ الۋدىڭ توقتاتىلۋى, اينالىم وپەراتسيالارى, سونداي-اق شەتەلدىك ينۆەستورلاردىڭ مەملەكەتتىك باعالى قاعازدارعا ينۆەستيتسيالارى نەگىزگى سەبەپتەردىڭ ءبىرى بولىپ وتىر.
بۇگىن 1 دوللاردى قانشا تەڭگەگە ساتىپ الۋعا بولادى؟
الايدا Halyk Finance باعالاۋىنشا, تەڭگەنىڭ نىعايۋى ۇزاق مەرزىمدى ەمەس.
«USD/KZT باعامى مۇناي مەن مەتالل باعاسىنا, گەوساياسي تاۋەكەلدەرگە جانە نەگىزگى ساۋدا سەرىكتەستەرىنىڭ ۆاليۋتا ساياساتىنا تىكەلەي تاۋەلدى», دەيدى ينۆەستيتسيالىق كومپانيا ساراپشىلارى.
بولجام بويىنشا, ەگەر مۇنايدىڭ ورتاشا جىلدىق باعاسى باررەلىنە 85 دوللار دەڭگەيىندە ساقتالسا, 2026 جىلدىڭ سوڭىنا قاراي دوللار شامامەن 540 تەڭگە بولۋى مۇمكىن.
نۇربولات امانبەك