2022-2025 جىلدارى ەلىمىزدە بيۋدجەت سالاسى قىزمەتكەرلەرى مەن ەكونوميكانىڭ جەكەلەگەن سەكتورلارىندا ەڭبەككە اقى تولەۋدى ارتتىرۋعا باعىتتالعان كەشەندى شارالار جۇزەگە اسىرىلدى. ناتيجەسىندە, 1,2 ملن-نان استام قىزمەتكەردىڭ جالاقىسى ءوستى. بۇل تۋرالى ۇكىمەتتە وتكەن ءباسپاسوز ءماسليحاتىندا ۇلتتىق ەكونوميكا ءمينيسترىنىڭ ءبىرىنشى ورىنباسارى ازامات ءامرين مالىمدەدى, دەپ حابارلايدى Egemen.kz.
اتاپ ايتقاندا, الەۋمەتتىك سالاداعى 38 مىڭ قىزمەتكەردىڭ جالاقىسى ورتا ەسەپپەن 30%-عا, 600 مىڭ پەداگوگتىڭ ەڭبەكاقىسى – 25%-عا, 6 مىڭ مەديتسينا قىزمەتكەرىنىڭ جالاقىسى 20%-عا, ازاماتتىق قىزمەتشىلەردىڭ جەكەلەگەن ساناتتارىنا جاتاتىن 600 مىڭعا جۋىق ادامنىڭ ەڭبەكاقىسى ورتا ەسەپپەن 20%-عا ارتتى.
سونداي-اق «سامۇرىق-قازىنا» توبىنىڭ وندىرىستىك پەرسونالىنا ەڭبەكاقى تولەۋدەگى الشاقتىق قىسقارتىلدى.
ايتا كەتەيىك, قازاقستاندا توتەنشە جاعدايلاردى جويۋعا جانە انتيتەررورلىق وپەراتسيالارعا قاتىساتىن اسكەري قىزمەتشىلەرگە ءۇش ەسەلەنگەن اقشالاي تولەم بەرىلەدى.
ءۇش جىلداعى وزگەرىس: ورمان ءورت سوندىرۋشىلەرىنىڭ جالاقىسى ەكى ەسە ءوستى