باتىس قازاقستان وبلىسىندا جاڭعالى اۋدانىنا قاراستى كىشى وزەن وزەنىندە ءۇش مەكتەپ تۇلەگى سۋعا كەتىپ, قايعىلى جاعداي بولدى. وقيعا 9 ماۋسىم كۇنى كەشكى ۋاقىتتا تىركەلگەن, دەپ حابارلايدى Egemen.kz.
الدىن الا مالىمەت بويىنشا, 16-17 جاستاعى بىرنەشە وقۋشى ەمتيحان اياقتالعاننان كەيىن تابيعات اياسىندا دەمالۋعا بارعان. كۋاگەرلەردىڭ ايتۋىنشا, وزەن جاعاسىندا بارلىعى بەس ءجاسوسپىرىم – ءۇش قىز جانە ەكى ۇل بولعان.
جەرگىلىكتى تۇرعىنداردىڭ ايتۋىنشا, وقيعا كەزىندە قىزداردىڭ ءبىرى سۋعا باتقان دوستارىن قۇتقارۋعا تىرىسقان, الايدا ءوزى دە اعىسقا ءتۇسىپ كەتكەن. ناتيجەسىندە ءۇش ءجاسوسپىرىم سۋدان شىعا الماي, قايتىس بولدى. ال قالعاندارىنىڭ ءبىرىن سول ماڭدا جۇرگەن جاستار قۇتقارىپ ۇلگەرگەن.
قاراعاندى وبلىسىندا قىز بالا سۋعا باتىپ كەتتى
كەي دەرەكتەرگە سايكەس, جاسوسپىرىمدەردى دەمالىس ورنىنا كولىكپەن جاسى ۇلكەن تانىستارى جەتكىزگەن. ول ولاردىڭ سۋعا تۇسەتىنىن بىلمەگەنىن ايتقان.
قۇتقارۋشىلاردىڭ مالىمەتىنشە, ەكى ادامنىڭ دەنەسى كەشكى ۋاقىتتا تابىلسا, ءۇشىنشى ءجاسوسپىرىمنىڭ دەنەسى كەيىنىرەك انىقتالىپ, سۋدان شىعارىلعان.
قازىر وقيعانىڭ ءمان-جايى انىقتالىپ جاتىر.
قوسشىدا 10 جاستاعى بالا سۋعا باتىپ كەتتى
توتەنشە جاعداي قىزمەتى تۇرعىنداردى سۋ ايدىندارىندا قاۋىپسىزدىك ەرەجەلەرىن قاتاڭ ساقتاۋعا شاقىردى.
شومىلۋ ماۋسىمى باستالدى: سۋ ايدىندارىنداعى قاۋىپسىزدىك دەڭگەيى قانداي؟