ەلىمىزدە ساتىپ الۋ جۇيەسىن جەتىلدىرۋگە باعىتتالعان جاڭا كەزەڭ باستالدى – بىرىڭعاي ساتىپ الۋ پلاتفورماسى ىسكە قوسىلىپ, بارلىق راسىمدەردى ءبىر ورتاعا بىرىكتىرۋگە مۇمكىندىك تۋدى, دەپ جازادى Egemen.kz.
2025 جىلعى قاڭتاردان باستاپ قازاقستاندا «مەملەكەتتىك ساتىپ الۋ تۋرالى» جاڭا زاڭ قولدانىسقا ەنگىزىلدى. قۇجات ساتىپ الىناتىن تاۋارلار, جۇمىستار مەن كورسەتىلەتىن قىزمەتتەردىڭ ساپاسىن ارتتىرۋعا, راسىمدەردى جەڭىلدەتۋگە جانە سالانى تسيفرلاندىرۋعا باعىتتالعان.
زاڭداعى باستى جاڭالىقتاردىڭ ءبىرى – مەملەكەتتىك ساتىپ الۋ سالاسىنداعى ۋاكىلەتتى ورگاننىڭ اقپاراتتىق جۇيەسى رەتىندە بىرىڭعاي ساتىپ الۋ پلاتفورماسىن قۇرۋ. بۇل جۇيە مەملەكەتتىك ساتىپ الۋ مەن «كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى» زاڭ اياسىنداعى ساتىپ الۋلارعا ەلەكتروندىق قىزمەتتەر ارقىلى بىرىڭعاي قولجەتىمدىلىك نۇكتەسىن ۇسىنادى.
پلاتفورما مەملەكەتتىك ساتىپ الۋ ۆەب-پورتالىمەن, سونداي-اق كۆازيمەملەكەتتىك سەكتور مەن «سامۇرىق-قازىنا» ۇااق الاڭدارىمەن تولىق ينتەگراتسيالانعان. اتاپ ايتقاندا, goszakup.gov.kz, mitwork.kz, zakup.sk.kz جۇيەلەرىمەن بايلانىس ورناتىلعان.
مەملەكەتتىك ساتىپ الۋ: جاڭا زاڭنىڭ ارتىقشىلىعى نەدە؟
سونىمەن قاتار 2025 جىلى رەتتەلەتىن ساتىپ الۋلار بويىنشا دەرەكتەردى تالداۋ جانە بىرىكتىرۋ ماقساتىندا بىرقاتار ماڭىزدى جۇيەلەردى ينتەگراتسيالاۋ جۇمىستارى اياقتالدى. ولاردىڭ قاتارىندا مەملەكەتتىك ءبىلىم بەرۋ تاپسىرىسى مەن وقۋشىلاردىڭ تاماقتانۋىن ۇيىمداستىرۋ قىزمەتتەرى, دارىلىك زاتتار مەن مەديتسينالىق بۇيىمداردى ساتىپ الۋ پورتالدارى, مەديتسينالىق ۇيىمدارعا ارنالعان پلاتفورمالار, سونداي-اق تابيعي مونوپوليالار سۋبەكتىلەرىنىڭ ساتىپ الۋ الاڭدارى بار.
قارجى مينيسترلىگىنىڭ مالىمەتىنشە, 2026 جىلعى 28 ساۋىردەگى جاعداي بويىنشا بىرىڭعاي ساتىپ الۋ پلاتفورماسىندا 46 793 پايدالانۋشى تىركەلگەن.
اعىمداعى جىلى پلاتفورمانىڭ فۋنكتسيونالىن كەڭەيتۋ كوزدەلىپ وتىر. سونىڭ ىشىندە جەر قويناۋىن پايدالانۋشىلاردىڭ ساتىپ الۋ الاڭىمەن ينتەگراتسيا جۇرگىزۋ جوسپارلانعان.
بۇل باستاما ء«بىر تەرەزە» قاعيداتى بويىنشا بارلىق رەتتەلەتىن ساتىپ الۋلارعا قولجەتىمدىلىكتى قامتاماسىز ەتىپ, پايدالانۋشىلاردىڭ جۇمىسىن ايتارلىقتاي جەڭىلدەتۋگە مۇمكىندىك بەرەدى.
جالپى, بىرىڭعاي ساتىپ الۋ پلاتفورماسىن ىسكە قوسۋ – ەلدىڭ ساتىپ الۋ جۇيەسىن تسيفرلىق ترانسفورماتسيالاۋداعى ماڭىزدى قادام. جاڭا مودەل اشىقتىقتى ارتتىرىپ, باسەكەلەستىكتى دامىتۋعا جانە بارلىق قاتىسۋشىلار ءۇشىن ءتيىمدى ءارى زاماناۋي ورتا قالىپتاستىرۋعا ىقپال ەتەدى.
مەملەكەتتىك ساتىپ الۋ سالاسىندا جي كومەگىمەن 781 ملرد تەڭگە ۇنەمدەلدى