الماتى قالاسىندا ەلىمىز ءۇشىن جاڭا ينفراقۇرىلىمدىق نىسان – قازاقستانداعى العاشقى كرەماتوري ىسكە قوسىلدى. نىسان قالالىق پاتولوگواناتوميالىق بيۋرونىڭ قاراۋىنا بەرىلىپ, قالاداعى جەرلەۋ قىزمەتتەرى جۇيەسىنىڭ ءبىر بولىگىنە اينالدى, دەپ جازادى Egemen.kz.
كرەماتسيا قىزمەتى ءداستۇرلى جەرلەۋ راسىمىنە ەرىكتى بالاما رەتىندە ۇسىنىلادى, بۇل تۇرعىندارعا جەكە كوزقاراسى مەن مادەني ەرەكشەلىكتەرىنە ساي تاڭداۋ جاساۋعا مۇمكىندىك بەرەدى.
قالا اكىمدىگىنىڭ مالىمەتىنشە, كرەماتوري زاماناۋي تالاپتارعا تولىق ساي جابدىقتالعان. مۇندا كوپساتىلى تازارتۋ جۇيەسى بار ەكى پەش ورناتىلعان. قولدانىلاتىن تەحنولوگيا ءتۇتىن گازدارىنىڭ تولىق جانىپ كەتۋىن قامتاماسىز ەتىپ, ءيىس پەن كورىنەتىن ءتۇتىننىڭ پايدا بولۋىنا جول بەرمەيدى. سونىمەن قاتار نىسان ەكولوگيالىق تالاپتارعا تولىق سايكەس كەلەدى.
الماتىداعى كرەماتوري جاقىن كۇندەرى جۇمىسىن باستايدى
ءبىر كرەماتسيا ءراسىمى شامامەن ەكى ساعاتقا سوزىلادى. تولىق جۇكتەمە كەزىندە كرەماتوري تاۋلىگىنە 8 راسىمگە دەيىن قابىلداي الادى. قىزمەت كورسەتۋ ۇدەرىسى – قۇجاتتاردى قابىلداۋدان باستاپ, مارقۇمدى سايكەستەندىرۋ جانە ك ۇلىن تۋىستارىنا تابىستاۋعا دەيىن – قاتاڭ باقىلاۋ تارتىبىمەن جۇزەگە اسىرىلادى.
نىساندا جاقىندارىن اقتىق ساپارعا شىعارىپ سالۋعا ارنالعان ارنايى زالدار قاراستىرىلعان. قىزمەتكەرلەر شەتەلدىك تاجىريبەدەن ءوتىپ, سانيتارلىق جانە ەتيكالىق تالاپتاردى قاتاڭ ساقتاي وتىرىپ جۇمىس ىستەيدى.
الماتىدا داۋلى كرەماتوري پايدالانۋعا بەرىلدى