مەملەكەت باسشىسىنىڭ تاپسىرمالارى شەڭبەرىندە ىشكى ىستەر مينيسترلىگى ونەركاسىپ سالاسىنداعى قىلمىستاردىڭ جولىن كەسۋ جانە بيزنەستىڭ مۇددەلەرىن قورعاۋ باعىتىنداعى جۇمىستاردى كۇشەيتتى. سونىڭ ناتيجەسىندە قاراعاندى وبلىسىندا ءىرى وندىرىستىك كاسىپورىندا ارەكەت ەتكەن قىلمىستىق توپتىڭ زاڭسىز ارەكەتى توقتاتىلدى, دەپ جازادى Egemen.kz.
27 ءساۋىر كۇنى پوليتسيا قىزمەتكەرلەرى «Qarmet» اق اۋماعىندا ۇيىمداسقان قىلمىستىق توپتىڭ قىزمەتىن اشكەرەلەدى. تەرگەۋ بارىسىندا كۇدىكتىلەردىڭ جاسىرىن الاياقتىق سحەمالاردى قولدانعانى انىقتالدى. ولار كاسىپورىننىڭ جەكەلەگەن قىزمەتكەرلەرىمەن ءسوز بايلاسا وتىرىپ, جەتكىزىلەتىن شيكىزاتتاعى تەمىر قۇرامىنىڭ كورسەتكىشتەرىن قاساقانا كوتەرىپ كورسەتكەن.
وسى ارەكەتتەردىڭ سالدارىنان كاسىپورىنعا كەلتىرىلگەن شىعىن كولەمى شامامەن 190 ملن تەڭگەنى قۇرادى. قىلمىستىق سحەماعا قاتىسى بار دەگەن كۇدىكپەن 13 ادام ۇستالدى – ولاردىڭ بارلىعى تەمىرتاۋ قالاسىنىڭ تۇرعىندارى.
تاۋلىگىنە 690 دوللار تابىس: ەلەكتروساموكات ارقىلى جاسالعان الاياقتىق اشكەرە بولدى
ءتىنتۋ شارالارى بارىسىندا ءىرى كولەمدە اقشا قاراجاتى جانە وزگە دە زاتتاي دالەلدەمەلەر تاركىلەندى. قازىرگى تاڭدا اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلۋدە.
ءىىم مالىمەتىنشە, قابىلدانعان شارالار قالاقۇراۋشى كاسىپورىننىڭ تۇراقتى جۇمىسىن قامتاماسىز ەتۋگە باعىتتالعان. ونەركاسىپ سالاسىنداعى زاڭسىز ارەكەتتەردىڭ جولىن كەسۋ جۇمىستارى الداعى ۋاقىتتا دا جالعاسادى.
الاياقتىقتىڭ الدىن الۋ: ۇستازدار اراسىندا ارنايى اكتسيا ۇيىمداستىرىلدى