«قازگيدرومەت» دەرەگىنە سايكەس, 1 مامىر كۇنى ەلىمىزدىڭ كوپتەگەن وڭىرىندە اۋا رايى تۇراقسىز سيپات الادى – جاڭبىر, نايزاعاي, كەي جەرلەردە بۇرشاق جانە جەلدىڭ كۇشەيۋى كۇتىلەدى. ال سولتۇستىك وڭىرلەردە كەي ۋاقىتتا بۇرشاق جاۋ ىقتيمالدىعى بار, دەپ جازادى Egemen.kz.
استانادا كۇن بۇلتتى بولىپ, جاڭبىر مەن نايزاعاي كۇتىلەدى, جەلدىڭ ەكپىنى 15–20 م/س-قا دەيىن جەتەدى. اۋا تەمپەراتۋراسى تۇندە +10…+12°C, كۇندىز +27…+29°C بولادى.
الماتىدا دا اۋا رايى تۇراقسىز: جاڭبىر, نايزاعاي جانە بۇرشاق كۇتىلەدى, جەل ەكپىنى 15 م/س-قا دەيىن كۇشەيەدى. تۇندە +13…+15°C, كۇندىز +26…+28°C.
شىمكەنت پەن تۇركىستاندا نەگىزىنەن جاۋىن-شاشىنسىز, بىراق جەل كۇشەيەدى – 13 م/س-قا دەيىن, كەي جەرلەردە 20 م/س-قا دەيىن جەتۋى مۇمكىن. كۇندىزگى تەمپەراتۋرا +30°C-تان اسادى.
استانا, الماتى جانە شىمكەنت: الداعى كۇندەرى اۋا رايى قانداي بولادى؟
سولتۇستىك جانە ورتالىق وڭىرلەردە اۋا رايى قۇبىلمالى بولادى. كوكشەتاۋ, قوستاناي جانە پەتروپاۆلدا جاڭبىر, نايزاعاي جانە كۇشتى جەل (20-28 م/س) كۇتىلەدى. كەي جەرلەردە بۇرشاق جاۋى مۇمكىن.
باتىس وڭىرلەردە – اقتاۋ, اتىراۋ, اقتوبە, ورال قالالارىندا كوبىنە جاۋىن-شاشىنسىز اۋا رايى ساقتالادى, بىراق ورالدا تۇندە ۇسىك بولۋى ىقتيمال.
وڭتۇستىك-شىعىس پەن شىعىستا دا اۋا رايى اركەلكى. سەمەي, وسكەمەن جانە تالدىقورعاندا نەگىزىنەن اشىق ءارى جاۋىن-شاشىنسىز اۋا رايى كۇتىلەدى, كۇندىز اۋا تەمپەراتۋراسى +27…+31°C-قا دەيىن كوتەرىلەدى.
جەزقازعان, قاراعاندى جانە قىزىلوردادا جاڭبىر مەن نايزاعاي بولۋى مۇمكىن, جەل ەكپىنى 14 م/س-قا دەيىن جەتەدى.
جالپى العاندا, 1 مامىر كۇنى قازاقستان اۋماعىنىڭ باسىم بولىگىندە جاۋىن-شاشىن, نايزاعاي جانە جەلدىڭ كۇشەيۋى بايقالاتىن قۇبىلمالى اۋا رايى كۇتىلەدى.
اپتاپ ىستىق, نوسەر, بۇرشاق: مامىر ايىندا اۋا رايى قۇبىلمالى بولادى