الەمدىك نارىقتا مۇناي باعاسى شامامەن 15%-عا تومەندەدى. قازىرگى ۋاقىتتا Brent crude oil ماركالى مۇنايدىڭ ءبىر باررەلى شامامەن 83 دوللار تۇرادى, دەپ حابارلايدى Egemen.kz.
باعانىڭ تومەندەۋى دونالد ترامپ يرانداعى اسكەري قاقتىعىستىڭ توقتايتىنىن جاريالاعاننان كەيىن باستالدى. ساۋدا بارىسىندا مۇنايدىڭ باعاسى ءتىپتى 82 دوللاردان دا تومەن تۇسكەنى حابارلاندى. ايتا كەتەيىك, بۇعان دەيىن, 9 ناۋرىز كۇنى مۇناي باعاسى 119 دوللارعا دەيىن كوتەرىلگەن ەدى.
Wood Mackenzie كومپانياسىنىڭ باس ساراپشىسى مۇناي باعاسى ءبىراز ۋاقىت جوعارى دەڭگەيدە ساقتالۋى مۇمكىن ەكەنىن ايتتى. ونىڭ سوزىنشە, يرانداعى جاعداي جاقىن ۋاقىتتا تۇراقتالسا دا, مۇناي جەتكىزۋ تىزبەگىن تەز قالپىنا كەلتىرۋ قيىن بولادى.
ەلىمىزدىڭ مۇناي وڭدەۋ قۋاتى 2033 جىلعا قاراي 40 ملن تونناعا جەتەدى
ساراپشىنىڭ پىكىرىنشە, مۇناي ونىمدەرىنىڭ قورىن پورتتار مەن مۇناي وڭدەۋ زاۋىتتارىنان تەز جونەلتۋگە بولادى. الايدا ەگەر مۇناي ۇڭعىمالارى ۇزاق ۋاقىتقا توقتاپ قالسا, ءوندىرىستى تولىق قالپىنا كەلتىرۋگە بىرنەشە اپتا نەمەسە ايلار كەتۋى مۇمكىن.
ەندى مۇناي-گاز قۇبىرلارىن ادام ەمەس, درون كۇزەتەدى