«ەكسپورتتاۋشىلار ۆيتريناسى» پلاتفورماسى شەتەلدىك ساتىپ الۋشىلارعا وتاندىق ونىمدەردى وڭاي تابۋعا مۇمكىندىك بەرەدى. جۇيەدە تاۋارلار بىرنەشە سالا بويىنشا توپتاستىرىلعان. ءاربىر ونىمگە قاتىستى تولىق سيپاتتاما مەن ءوندىرۋشى تۋرالى اقپارات ورنالاستىرىلعان, دەپ جازادى Egemen.kz.
قازاقستاننىڭ ەكسپورتتىق-كرەديتتىك اگەنتتىگى «ەكسپورتتاۋشىلار ۆيتريناسى» اتتى حالىقارالىق تسيفرلىق پلاتفورمانى ىسكە قوستى. جاڭا رەسۋرس وتاندىق تاۋارلار مەن قىزمەتتەردى شەتەل نارىعىنا كەڭىنەن تانىستىرۋعا باعىتتالعان. پلاتفورما ارقىلى شەتەلدىك ساتىپ الۋشىلار «Made in Kazakhstan» بەلگىسى بار ونىمدەردىڭ كەڭەيتىلگەن كاتالوگىمەن تانىسا الادى.
export.bgov.kz مەكەنجايىندا جۇمىس ىستەيتىن جۇيەدە قازاقستاندىق وندىرۋشىلەر ۇسىناتىن تاۋارلار مەن قىزمەتتەردىڭ سيپاتتاماسى, نەگىزگى تەحنيكالىق پارامەترلەرى مەن تۇتىنۋشىلىق قاسيەتتەرى قامتىلعان. نەگىزگى نازار ناقتى ونىمدەرگە اۋدارىلىپ, الەۋەتتى سەرىكتەستەرگە قاجەتتى اقپاراتتى ءبىر جەردەن تابۋعا مۇمكىندىك جاسالعان.
وتاندىق ونىمدەر دۇكەن سورەلەرىندە قاشان تورگە وزادى؟
پلاتفورماداعى ونىمدەر بەس نەگىزگى سالاعا توپتاستىرىلعان. ولاردىڭ قاتارىندا جەڭىل ونەركاسىپ, ازىق-ت ۇلىك پەن حيميا ونەركاسىبى, اگروونەركاسىپتىك كەشەن ونىمدەرى, مەتاللۋرگيا, ماشينا جاساۋ مەن قۇرىلىس سالاسى بار. ىزدەۋ جۇيەسى كىلت سوزدەر ارقىلى قاجەتتى تاۋاردى تەز تابۋعا جاعداي جاسايدى. پايدالانۋشى بەلگىلى ءبىر ءونىمدى ىزدەگەن جاعدايدا جۇيە سول ساناتتاعى بارلىق ۇسىنىستى كورسەتەدى. ءاربىر تاۋار كارتوچكاسىندا ءونىم تۋرالى تولىق مالىمەت بەرىلىپ, سول تاۋاردى ءوندىرۋشى كومپانيانىڭ پروفيلىنە بىردەن ءوتۋ مۇمكىندىگى قاراستىرىلعان.
وتاندىق ونىمدەر الەمدىك نارىققا تانىستىرىلدى
«اتالعان پلاتفورمادا تەك اگەنتتىك تاراپىنان تەكسەرۋدەن وتكەن, ۆەريفيكاتسيالانعان وندىرۋشىلەر عانا ۇسىنىلعان. «ەكا تەكسەرگەن» مارتەبەسى سەنىمدىلىكتىڭ كەپىلى رەتىندە قىزمەت اتقارىپ, تاۋەكەلدەردى ازايتادى ءارى قازاقستاندىق ەكسپورتتاۋشىلار مەن شەتەلدىك ساتىپ الۋشىلار اراسىنداعى ءوزارا ءىس-قيمىل بارىسىندا سەنىمدى نىعايتادى», دەدى قازاقستاننىڭ ەكسپورتتىق-كرەديتتىك اگەنتتىگى باسقارما توراعاسىنىڭ ورىنباسارى مادينا ەرجانوۆا.
تۇتىنۋشىلاردىڭ وتاندىق ونىمگە سەنىمى ارتىپ كەلەدى – ساۋالناما
«ەكسپورتتاۋشىلار ۆيتريناسى» جوباسى وتاندىق بيزنەس پەن حالىقارالىق نارىقتار اراسىنداعى تسيفرلىق كوپىرگە اينالۋدى كوزدەيدى. پلاتفورما جەتكىزۋشىلەردى ىزدەۋ ۇدەرىسىن جەڭىلدەتىپ, قازاقستاندىق برەندتەردىڭ شەتەلدەگى تانىمالدىعىن ارتتىرۋعا ىقپال ەتەدى. باستاما «بايتەرەك» ۇلتتىق ينۆەستيتسيالىق حولدينگى جۇزەگە اسىرىپ وتىرعان شيكىزاتتىق ەمەس ەكسپورتتى قولداۋ مەن سىرتقى ەكونوميكالىق قىزمەتتى تسيفرلاندىرۋ باعىتى اياسىندا قولعا الىنعان.